GMN TV Regional Veteranu no komunidade eziji PM Taur hasai prezidente autoridade munisipal Baucau

Veteranu no komunidade eziji PM Taur hasai prezidente autoridade munisipal Baucau

0 views

Veteranu, kaixa klandestina, organizasaun rezistensia no komunidade Munisípiu Baucau eziji ba Primeiru Ministru (PM), Taur Matan Ruak, atu hasai Prezidente Autoridade Munisipal Baucau, António Augusto Guterres, tanba konsidera durante iha nia mandatu laiha dezenvolvimentu signifikativu.

Veteranus no kaixa klandestina rejistensia Munisipiu Baucau hato’o deklarasaun ne’e liu hosi konferensia imprensa iha Vila Nova Munisipiu Baucau, Kuarta (24/04/2019).

Porta voz, Adão Noe Neto Fraga alias ‘Sakunar Lemorai Timor’, husu PM Taur Matan Ruak atu buka figura seluk hodi substitui prezidente autoridade munisipal Baucau atual.

"Fó hanoin ba governu sentral, oitavu governu ne'ebe lidera Primeiru Ministru Taur Matan Ruak, para bele buka ka fihir figura ida ne'ebe ho inisiativa atu dezenvolve Baucau ne'e ba oin, tamba durante ne'e ami haree laiha dezenvolvimentu ruma, komunidade nafatin halerik ba estrada no merkadu ne'ebe kondisaun ladiak", afirma Sakunar Lemorai Timor.

Iha okaziaun ne’e Sakunar Lemorai Timor, husu mós ba prezidente autoridade munisipal munisipiu Baucau rejigna an husi nia kargu ne’ebé refere, tamba durante ne’e hatudu nia hahalok arogansia, foti án, ambiosiozu no familiarismu.

Hatan ba deklarasaun ne'e, Prezidente Autoridade Munisipal Baucau atual, Antonio Augusto Guterres, hateten sei la rezigna án husi nia kargu enkuantu governu sentral seidauk iha desizaun ruma.

"Sistema ne'e sentralizadu, ita seidauk iha orsamentu ida que propriu atu hala'o dezenvolvimentu iha ida-idak nia munisipiu, e reseitas proporiu seidauk iha, tamba lei fó poder ba autoridade lokal mos seidauk iha, lei finansa lokal, e lei eleisoens lokal mos seidauk iha. Enkuantu autoridade lokál foin mak iha dekretu lei númeru 3 ne'ebe altera ba iha númeru 9/2018, e agora transferensia públiku ida ne'ebe mai, ba liu merenda eskolar nomos ba insentivu ba xefe suku sira, e kapital menor hela iha governu sentral no kapital dezenvolivementu hela iha governu sentral," hateten António Augusto Guterres.

Enkuantu António Augusto Guterres asume kargu núdar prezidente autoridade munisipiu Baucau iha tinan 2016 to'o agora. Ito


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker