GMN TV Economia PR preokupa produsaun kafé iha TL

PR preokupa produsaun kafé iha TL

0 views

Prezidente Repúblika (PR), Francisco Guterres Lú Olo’, preopuka ho produsaun kafé iha Timor-Leste (TL), tanba ne’e Lú Olo dezafia oitavu governu atu hasa’e produtividade agrikultura no produsaun kafé iha Timor-Leste (TL), tanba kafé mak lori Timor nia naran iha mundu.

“Ida ne’e hatudu katak ita nia produtividade sei ki’ik tebes kompara ho nasaun sira seluk, se ita haburas industria kafe iha rai laran no hasa’e ninia kualidade, produsaun no produtividade it abele hetan rendimentu ás no bei-beik husi merkadu internasional”, Preokupasaun Prezidente Repúblika Francisco Guterres ‘Lú Olo’ nian ne’e lee husi Ministru Justisa, Manuel Carrceres da Costa, iha loron restaurasaun independensia ba dala 17, iha Munisípiu Manatutu Segunda (20/05/2019).

Tuir dadus sensus 2014 hatudu katak,  uma kain 30000.8 mak produs kafé no 30000.8 mak kuda kafé mak konsumu rasik. Sensus ne’e mós hatudu katak uma kain ida hetan dollar US$ 600 kada tinan husi fa’an kafé.

“Nune’e kada tinan uma kain 30000.8 hamutuk hetan rendimentu total dollar US$ tokon 22 ka 22 mileons kada tinan husi fa’an kafe. Dadus hatudu katak kada agrikultor Timor Leste (TL) produs deit kafé kilograma 4 loron ida. Maibé iha nasaun kostarika agrikultor ida produs kafé kilograma 20 iha loron ida,”hateten Ministru Justisa, Manuel Carrceres da Costa.

Iha sorin seluk veteranu Boaventura Soares “Tosa” hateten, oitavu governu ida ne’e tenke haforsa ekonomia no liu-liu hasa’e produsaun agrikola iha teritoriu Timor laran, nune’e ukun an tinan 17 ne’e povu sente benifisiu husi ukun an ne’e.

“Liu-liu ba governu atu hola atensaun oin nusa mak bele hamoris ekonomia povu ida ne’e nian, para depois povu ida ne’e sente katak ukun an ninia rezultadu mak ida ne’e,”tenik nia. Aes


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker