Membru Grupu Arte Marsiál (GAM) no Grupu Arte Rituál (GAR) iha Postu Administrátivu Hato-Builico, Munisípiu Ainaro, deklara, hakribi violénsia.
Membru GAM tolu ne’e mak hanesan Persaudaraan Setia Hati Terate (PSHT) Ikatan Kera Sakti (IKS) Kmanek Oan Rai-Klaran (KORK no arte ritual Sete-sete, Sinku-sinku.
Atividade deklara hakribi violénsia ne’e liu husi tara bandu no asina Paktu Unidade husi membru GAM no ritual, ne’ebé asisti husi Prezidente Komisaun Reguladora Arte Marsiál (KRAM) Octávio da Conceição, reprezentante komandu PNTL munisípiu Ainaro, komunidade.
Serimónia asina Paktu Unidade ne’e hala’o iha Aldeia Dare, Suku Mulo, Postu Administrátivu Hato-Builico, Munisípiu Ainaro.
“Sekretária Estadu Juventude liu husi Komisaun Reguladora Arte Marsiál organiza kompromisu dame malu ida ne’e núdar dalan ida atu reintegra artemarsiais tolu no arte rituál sira ne’ebé ha’u temi iha rezolusaun númeru 4/2020, ba sosiedade atu nune’e sira bele hala’o sira-nia atividade treinamentu iha Suku bele la’o ho dame”,esplika Prezidente KRAM, Octávio da Conceição, ba jornalista sira Sesta (27/05/2022), iha Dare, Ainaro.
Atividade dame malu entre GAM no GAR, la’o ho susesu tamba hetan seguransa husi membru Polísia Nasionál Timor-Leste.avi
