GMN TV Regional Dom Virgilio: Festa demokrasia labele husik hela trauma ba ema

Dom Virgilio: Festa demokrasia labele husik hela trauma ba ema

0 views

ispu Diocese Díli, Virgílio do Carmo da Silva, SDB apela ba partidus polítikus no entidades tomak, atu labele husi hela trauma ba ema barak nia moris, depois de festa demokrasia liu tiha. Maibé Dom Virgílio esplika festa demokrasia tenki halo ema hotu haksolok, liu-liu ba sira ne’ebé ki’ik, ki’ak no moris iha kondisaun vulnerável.

“Festa demokrasia ne’ebé besik dadauk ona, ita hakarak ema hotu haksolok no paz. La’os liutiha festa, ita husik hela fali trauma no kanek iha ema barak nia moris,” hateten Dom Virgílio do Carmo iha nia diskursu, Sábadu (17/6) iha Largo Lecidere-Díli, wainhira partisipa iha konsertu ba paz ne’ebé organiza husi Komisaun Justisa no Paz Diocese Díli.

Bispu Diocese Díli ne’e akresnta katak, iha Timor Leste, entidades hotu presiza promove nafatin paz no dame, nune’e bele fó hanoin nafatin ba ema hotu importánsia konaba paz.

“Paz la’os automátiku, prosesu ida ne’ebé ejiji esforsu ita hotu nian, esforsu kontinua, presiza eduka ita nia-an atu hakiak konaba paz,”bispu Diocese Díli ne’e hateten.

Komponente hotu-hotu, dehan Dom Vrigilio do Carmo, labele halimar ho paz iha Timor Leste, tamba paz no estabilidade ne’ebé ohin loron Nasaun doben ne’e hetan la’os fasil no baratu, tamba sakrifika ona ema barak.

“Ne’eduni tenki hanoin uluk antes atu halo asaun ruma kontra paz, ka organiza buatruma atu estraga estabilidade no paz iha rai ida ne’e,”re-afirma Dom Virgílio.

Dom Virgilio reforsa, paz mak dalan ba dezenvolvimentu no estabilidade Nasaun ida nian.

“Paz mak tenki sai abut no fundamentu ba rai doben ida ne’e, ne’ebé terus barak ona no hakarak atu moris nafatin iha hakmatek. Povu ida ne’ebé hafoin nia ukun rasik-an, lakohi tan ona violénsia no hakribit tiha ona violénsia ho ninia motto dehan ‘adeus violénsia, bemvindu ba paz’ Ne’eduni ohin ita presiza hakilar nafatin konaba paz, ita hotu nia responsabilidade,”dom Virgílio dehan.

Iha fatin hanesan, reprezentante kaza sivíl Prezidénsia Repúblika, Francisco de Vasconselhos, lori Prezidenti Repúblika Francisco Guterres ‘Lu-Olo’ nia naran hato’o apresiasaun ba inisiativa Diocese Díli nian hodi organiza jornada no konsertu da paz.

“Molok partidu polítiku sira hahú sadik malu iha sira nia kampaña hodi manan povu nia votus iha loron 22 fulan Jullu tinan 2017. Ha’u aproveita oportunidade ida ne’e husu ba imi hotu atu hili partidu tuir imi nia hakarak no fiar. Wainhira haksesuk malu, uza liafuan mamar ba malu, hatudu respeitu ba malu nu’udar maun, bin no alin husi família boot Timor Leste nian,”Francisco de Vasconselhos hato’o Prezidenti Repúblika nia mensajen.

Fó hanoin fali katak eleisaun lejislativa sei hahú iha 22 de Jullu 2017.ias


OTHER ISSUES THAT MAY INTEREST YOU

Garante kualidade internet, operadór tolu ezije Governu aselera fibra ótika
Autoridade Lokál Ailili Husu Governu Hadi’ak Irigasaun Ne’ebé A’at
TDO Kondena Eis Padre Daschbach Kadeia Tinan 12, Defeza sei Halo Rekursu
Ró Berlin-Ramelau Bele Halo Ona Operasaun ba Oecusse-Ataúro
Semana Oin, Ró Berlin-Ramelau Hahú Hala’o Operasaun
Militante FRETILIN 100 resin afilia ba CNRT
Komunidade RAEOA aprezenta problema transporte marítima ba PR Lú-Olo
Asalta bus Avante Amigo, PNTL no F-FDTL kaptura ema na’in lima
PN preokupa transporte marítima ba Oe-cusse ne’ebé kada tinan sempre problema
Prezidente CET: Dom Basílio, pastór ne’ebé “kmanek” tebes iha kreda katólika TL
PM Taur: Dom Basílio hasoru uluk “Daitula” molok kandidatu ba Bispu
Órgaun soberanu Portugués no CEP hato’o sentidu kondolénsia ba Dom Basílio nia mate

Banner

Foto

Notisia Ikus

Ramos Horta: Papa Francisco kontente TL nia desizaun implementa DFU

May 19, 2022
Prezidente Repúblika (PR) eleitu, José Ramos H...

PR Lú Olo promulga OJE Retifikativu 2022

May 19, 2022
Prezidente Repúblika (PR), Francisco Guterres L...

Despede Lú Olo, PM Taur prontu servisu hamutuk ho PR eleitu

May 19, 2022
Primeiru Ministru (PM), Taur Matan Ruak, ho jest...

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...
1 2 3 728

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker