Bispu Dioseze Dili Dom Virgílio do Carmo da Silva SDB, hatete ba sarani Passabe hotu atu senti iha Selebrasaun misa Ereção Canonia Estação Missionario Pasabe ne’ebé sai ona kuaze Parokia, ne’ebé marka ona istoria ida ba sarani Katólika tomak iha Passabe.
“Hodi selebrasaun ida ne’e, sai oportunidade ida ba sarani Passabe liu liu atu konfirma liu tan ita bo’ot sira nia fiar nuudar sarani, la bele iha diet uma kreda mak ita sarani, maibe iha familia, to’o no natar ne’e ita sarani nafatin,”dehan Bispu Dioseze Dili, Dom Virgílio do Carmo da Silva, iha nia omilia wainhira prezidi hela misa selebrasaun ba Passabe hodi Sai Parokia (23/06/2018) iha Postu Administrativa Passabe, Rejiaun Administrativa Espesial Oe-cusse Ambeno (RAEOA).
Afima Dom Virgílio, sarani Katólika, fiar ba Maromak Aman, Oan no Espirito Santo, nune’e tenki fo a’an tomak iha fiar. Tamba ne’e mak ho domin maromak nian, no oinsa ema bele sukat sira-nia domin ne’e iha duni ba maromak. “Pparabens ba sarani Katólika sira iha Passabe ne’ebé marka ona Istoria foun hodi servi ba maromak husi sai ona kuaze Parokia iha Passabe,”dehan Dom Virgílio.
Fatin hanesan Padre Paroku São Jão Paulo Segundo Passabe, Agusto Hermenigildo Nunes, afirma, iha tempu naruk Passabe sai hanesan fatin ida ne’ebé dook husi Oe-cusse, la’os dook tamba distansia deit, maibe dook mos husi parte Governu no mos parte Igreja.
“Ho kondisaun ne’e, presiza ita-nia unidade, kualidade, no servisu maka husi ita-nia kolaborasaun hamutuk entre sarani sira, tamba Igreja mak ita, sai nuudar fatin ida ba atu bele halo ita-nia devosaun ba,”akresenta Padre Agusto.
Alende ne’e, Xefi Komisaun Organizadora, Antão Alun, akresenta, nuudae Oe-cusse oan senti kontenti tebes, tamba desde uluk estasaun Passabe ne’e kleur los, hahú iha tempu Indonesia to’o agora.
“Ha’u lori ami-nia maluk Passabe oan agradese tebes ba serimonia muda estasaun Passabe ba Parokia, hanesan marka istoria foun ida mai ami,” realsa Xefi Komisaun Organizadora ne’e.Oly
