GMN TV Regional Stock foos iha CLN tun ba tonelada 96

Stock foos iha CLN tun ba tonelada 96

0 views

Foos iha armazen Centro Logistico Nacional (CLN), husi tonelada atus rua (200) tun ba tonelada 96, tanba fó apoiu ba Sekretaria Estadu Protesaun Sivil (SEPS), hodi fó apoiu ba vítima dezastre naturais, ne’ebé akontese iha, Sesta (13/03) liu ba.

Tuir Diretór Ezekutivu Centro Logistico Nasional CLN,  Jacinto Paíjo, foos husi tonelada atus rua, tun ba tonelada 96, tanba fó apoiu tonelada 144 ba sekretaria estadu protesaun sivil, hodi fó ajudus ba vítima dezastre naturais, liu-liu inundasaun,ne’ebé akontese iha, Sesta loron 13 fulan Marsu liu ba.

Diretór Ezekutivu hatutan, foos tonelada 96, ne’ebé mak dadaun ne’e sei iha armazen Estadu ni’an, parte CLN sei halo intervensaun no sei faan foos hirak ne’e ba komunidade sira.

Foos ho tonelada 96, ne’ebé mak dadaun ne’e sei armazen, la garante ona fulan hirak tuir mai, maibé  CLN sei serbisu hamutuk ho kompañia privadu sira, hodi garante stock foos hodi responde ba situasaun atuál.

“Foos ne’ebé  mak durante ne’e iha ita apoiu ba ministério solidariedade sosial i inkluzaun 192 toneladas, apoiu ba protesaun sivíl ka desastre naturais 144 toneladas ajudus umanitáriu 30 toneladas apoiu ba ministério edukasaun 5 toneladas, apoiu ba polísia UPF 9 toneladas, fa’an ba komunidade hanesan produtu lokal konsumu nasional ita iha 124 toneladas no halo intervensaun direta ba fatin ne’ebé afetadu ita iha 68 toneladas totál ne’ebé ita halo distribuisaun 572 toneladas”, relata, Diretór Ezekutivu CLN, Jacinto Paíjo ba GMN iha nia knar fatin Fomentu, Segunda (01/06/2020).

Enkuantu kona-ba, prosesu foos ne’ebé Governu Timor-Leste sosa, husi nasaun Vietname, ho tonelada rihun 30 resin, maibé foos hirak ne’e, sei to’o iha Timor-Leste iha fim de Juñu, tanba Governu aloka orsamentu ho montante bo’ot, nune’e CLN sei haruka proposta ne’e ba tribunál de kontas, atu bele vistu no fó pareser ba orsamentu ne’e, hafoin haruka ba Vietaname.Ina


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker