GMN TV Politika Governu lansa fatuk dahuluk ba konstrusaun Programa Uma Kbi’it Laek iha territóriu nasionál

Governu lansa fatuk dahuluk ba konstrusaun Programa Uma Kbi’it Laek iha territóriu nasionál

2 views

Ministériu Administrasaun Estatal (MAE) hamutuk ho fasilitadór Programa Uma Kbiit Laek (UKL), Programa Nasional Dezenvolvimentu Suku PNDS, lansa ona fatuk dahuluk konstrusaun programa uma ba kbiit la’ek, ne’ebé Governu sei hahú implementa iha tinan ne’e.

Lansamentu fatuk dahuluk, simbolikamente ba implementasaun programa UKL, iha territóriu nasionál ne’e, realiza iha Aldeia Nunulete, Suku Maubara Lisa, Postu Administrativu Maubara, Munisípiu Likisá.

Xefe Suku Maubara Lisa Rui Manuel, agradese ba Governu, tanba liuhosi programa UKL, bele tulun ona komunidade ne’ebé moris vulnerável liu iha sosiedade.

“Liuhosi programa governu nian, ba uma kbiit laek, sira sente kontenti, tanba estadu bele haree sira iha aldeia ida ne’e”,hateten Xefe Suku Maubara Lisa, hafoin remata lansamentu fatuk dahuluk programa UKL nian Sesta (04/06).

Ministru Administrasaun Estatal, Miguel Pereira de Carvalho esplika, tuir loloos governu implementa ona, iha fulan Marsu liu-ba, maibé tanba pandemia COVID-19, governu suspende tiha, no kontinua konstrusaun iha fulan Juñu no sei termina iha fulan Setembru tinan ne’e, ba territóriu nasionál.

“Lansamentu primeira pedra ba uma kbiit laek hamutuk 1,254 territóriu Timor Leste tomak, uma kbiit laek ne’e hanesan programa oitavu governu nian. Ita nia prioridade primeiru ne’e ba sira ne’ebé vulneravel liu, konserteza husi tempu ba tempu ita sei kontinua halo” dehan MAE.

Munisípiu Likisá, benifisiáriu ba programa UKL hamutuk 69, kompostu husi postu administrativu Maubara sei harii uma 21, Likisá Villa 21 no Bazartete uma 27.

Planu Oitavu Governu nian ba tinan ne’e, sei harii Uma ba Kbiit Laek iha munisípiu hotu, no Reziaun Administrativa Espesial Oecusse Ambeno RAEOA, hamutuk 1.254 ba suku 424. No kada suku sei hetan uma konstrui uma 3.

Orsamentu ne’ebé aloka, ba programa UKL ba territóriu nasionál hamutuk Millaun $25, ne’ebé kada suku aloka dolar amerikanu, Rihun $54.

Medida ba UKL ne’ebé sei konstrui ho tipu rua, mak hanesan metru 37 kuadradu kompostu kuartu rua, sala vizita, haris fatin no dapur, ho kustu osan rihun $14.

Tipu daruak, nia medida metru 48 kuadradu, kuartu tolu inklui dapur, haris fatin no sala vizita, ho kustu dolar amerikanu, rihun $17.

Programa ne’e rasik, Programa Nasional Dezenvolvimentu Suku-PNDS, mak nu’udar fasilitadór, no implementa husi komunidade rasik. San


Banner

Foto

Notisia Ikus

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...

Alkatiri: Ma’huno sai luta povu tomak nian

September 27, 2021
Sekretáriu Jerál Partidu FRETILIN, Marí Alkat...

Komisaun F bolu urjente MS Odete

September 26, 2021
Komisaun F Parlamentu Nasionál trata asuntu Sa...

Xanana: Ha’u ho Ma’huno mak reorganiza rezisténsia armada

September 26, 2021
Eis komandante Em Xefe FALINTIL, Kay Rala Xanana...
1 2 3 644

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker