GMN TV Regional MAE inaugura projetu reabilitasaun sede suku Vatu-Vou

MAE inaugura projetu reabilitasaun sede suku Vatu-Vou

1 views

Governu liuhosi Ministériu Administrasaun Estatal (MAE), hamutuk ho reprezentante Embaixadór Australia iha Timor Leste, Carli Shillito no Administradór Munisípiu Likisá Domingos dos Santos ‘Mau Caro’, inaugura sede suku Vatu-Vou, ne’ebé hetan reabilitasaun husi Programa Nasional ba Dezenvolvimentu Suku-PNDS.

Xefe Suku Vatu Vou, Gabriela Jerónimo agradese ba esforsu governu nian, fasilita ona fundus liuhosi PNDS, hodi reabilita ona kondisaun tomak sede suku nian.

Maibé autoridade lokal ne’e mós husu, governu atu tulun nafatin servisu autoridade lokal nian, liu-liu ba fasilidade hanesan komputador no printer.

“Ami iha ona edifisiu no ami nia mobiliáriu hotu atu servisu, maibé ami sei menus ekipamentu sira hanesan komputador no printer, tanba ne’e ami husu ba governu atu tulun hela fasilidade sira ne’e”

Ministru Administrasaun Estatal, Miguel Pereira de Carvalho afirma, ba tinan ne’e governu mos konsentra planu ba reabilitasaun sede suku hamutuk 250, iha territóriu laran, hafoin kontinua apoiu fasilidade apoiu Administrasaun suku.

Tanba, administrasaun suku atu la’o di’ak, depende mós ba polítika governu nian, hodi hadia administrasaun suku hotu hodi atende nesesidade komunidade nian.

“Tinan ida ne’e ita sosa komputador ho printer ba suku hotu-hotu, prosesu la’o ona, komputador sei oferese ba sede suku hotu-hotu. Maibé ita reabilita uluk sede suku por volta de 250, depois tinan oin ita sei reabilita tan sede suku sira seluk” hateten Ministru Administrasaun Estatal.

Montante osan ne’ebé governu aloka liuhosi PNDS ba projetu reabilitasaun sede suku Vatu-Vou ne’e, hamutuk USD $12,768 resin.

Alénde ne’e Governante ne’e mós, hamutuk ho reprezentante Embaixadór Australia iha Timor Leste, Carli Shillito, inaugura mós konstrusaun drainazen iha suku Vavi-Kinia, nu’udar projetu rejilensia komunidade no rekooperasaun ekonomia.

Konstru ne’e, hetan apoiu orsamentu husi Governu Australia ho montante USD $29.532,57. San

 


Banner

Foto

Notisia Ikus

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...

Alkatiri: Ma’huno sai luta povu tomak nian

September 27, 2021
Sekretáriu Jerál Partidu FRETILIN, Marí Alkat...

Komisaun F bolu urjente MS Odete

September 26, 2021
Komisaun F Parlamentu Nasionál trata asuntu Sa...

Xanana: Ha’u ho Ma’huno mak reorganiza rezisténsia armada

September 26, 2021
Eis komandante Em Xefe FALINTIL, Kay Rala Xanana...
1 2 3 644

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker