Prezidente Kámara Komersiu Industria Timor-Leste (CCI-TL-sigla Portugés), Oscar Lima, hatete, Timor-Leste lá presiza depende demais ba sasán importasaun sira husi estranjeiru, maibé presiza investe maka’as iha área agrikultura, hodi nune’e hasa’e liu tan produsaun lokál.
Prezidente CCI-TL, Oscar Lima, hatete, Timor-Leste la presiza sosa bebeik ai-han husi estranjeiru, maibé Governu presiza investe iha área agrikultura, hodi bele hasa’e produtu lokal iha rai-laran, tanba Timor-oan iha kapasidade produs rasik ai-han lokál.
“Ita labele hein foos mai husi liur de’it, ita labele hein batar mai husi liur de’it, ita mak la prepara-an, ita hotu hotu lakohi haree ba área agrikultura, ita lakohi fila-fali ba ita nia hahan natural, rai na’in ni’an, hanesan kontas, fehuk, talas, ai-farina batar no hare kulit ita bele mate hamlaha, ita investe iha área agrikultura”, dehan, prezidente CCI-TL, Oscar Lima ba GMN iha nia edifísiu Comoro, Domingu (12/07/2020).
Antes ne’e, Xefe Governu, Taur Matan Ruak, hateten, fundu petrolíferu hahú menus, tuir prezidente CCI-TL ne’e katak, osan mina-rai tun duni hodi afeta ekonomia Timor-Leste ni’an, tanba reseita úniku ba kofre Estadu husi fundu mina-rai.
Atu Timor-Leste labele krize bebeik ba finanseiru, prezidente CCI-TL ne’e iha esperansa ba Parlamentu Nasionál atu labele xumba ka vota kontra Orsamentu Jeral Estadu, tanba laiha orsamentu jeral, susar atu hadia povu nia moris no lori dezenvolviomentu ba Timor-Leste. Ina
