GMN TV Regional Autoridade lokál Suku Taroman husu Governu hadia estrada no eletrisidade

Autoridade lokál Suku Taroman husu Governu hadia estrada no eletrisidade

Xefe Suku Taroman, Leonel Asa, hodi nia povu tomak nia naran husu ba Governu atu hadia ona sira-nia estrada no liña eletresidade.

Xefe Suku Taroman, Leonel Asa, hatete, tinan barak ona komunidade iha PostuAdministrativu Fatululik, la asesa transporte públiku tanba Estrada aat

“Durante tinan barak ona ha’u-nia komunidade sira la asesu transporte públiku atu tula sira-nia produtu lokál ba merkadu munisípiu no ba nasionál tanba Estrada aat. Durante ne’e komunidade barak mak lori produtu lokal hanesan modo mutin lis kami tomate ba fa’an iha merkadu Suai, maibe sira tutur deit, dalan aat nune’e kareta labele halo movimentu ba-mai iha Suku refere tanba ne’e aproveita membru Governu sira mai vizita ne’e bele hato’o kedas ami-nia preokupasaun kona-ba estrada liga hosi Munisípiu mai ami-nia Postu-Fatululik”,hateten Xefe Suku Taroman, Leonel Asa ba JN-Diário iha Postu-Administrativu Fatululik, Munisípiu Covalima, Kinta (08/07/21).

To’o agora mos, Xefe Suku Taroman, Leonel Asa, informa ninia komunidade sira to’o agora sei moris iha nakukun laran, tanba seidauk asesu enerjia eletresidade.

 “Iha ha’u-nia Suku ne’e komunidade sira moris iha nakukun laran tanba to’o agora ahi seidauk iha maske ami hato’o ona pedidu ba Munisípiu no ba Nasional ne’ebé durante ne’e ita nia komunidade sira iha tempu kalan uza deit mak kami hodi fo naroman ba sira no sira nia oan hodi estuda”,katak Leonel.

Hatán ba preokupasaun ne’e Administradór Munisípiu Covalima, Francisco de Andrade, promete sei rezolve situasaun ne’e iha tinan 2022.

“Kona-bá Estrada dadaun ne’e sei iha prosesu laran, maibe estrada rurál balun liu hosi PNDS hahú konstrói ona no ha’u mos rona Vise-Ministru Administrasaun Estatal, hateten, Estrada sira ne’ebé nia valór 150 ribu ne’e sei fo kompetensia Adminitrasaun Munisípiu mak sei kaer so liu ida ne’e mak ita rekomenda ba Ministériu Obra Públika atu hadia no kona-bá ahi ita sei koordena ho sefe rejiaun atu fó atensaun nune’e iha tinan ne’e suku balun ita bele hadia dadun ona”,dehan Francisco.

Suku Taroman iha Aldeia 5, kompostu hosi  Aldeia Taroman, Lia-Nain, Fatu-Loro, Holbak no Makous ho uma kain 500 resin, no  populasaun rihun rua resin.

Alende ne’e, Postu Administrativu Fatululik, iha suku rua mak hanesan Suku Taroman no Fatululik ho uma kain 700 resin no populasaun hamutuk 3000 resin.

Tuir observasaun jornalista GMN, komunidade iha Postu-Administrativu Fatululik maioria moris ho vida agrikultura.aba


Banner

Foto

Notisia Ikus

Semana ne’e MAKLN hahú verifika dadus veteranu

August 1, 2021
Ministériu Asuntu Kombatente Libertasaun Nasi...

PM Taur hirus membru PSHT re'in ema nia ain

August 1, 2021
Primeiru Ministru (PM), Taur Matan Ruak, desdkor...

Variante Delta nafatin ameasa saúde públika, PR dekreta EE da-XVI

July 31, 2021
Xefe Estadu, Francisco Guterres Lú Olo, liu hos...

Velosidade internet lentu, AHDMTL husu MTK tau atensaun

July 31, 2021
Velosidade internet lentu ka neneik liu difikult...

Envolvimentu juventude iha ParPol importante

July 31, 2021
Envolvimentu  juventude iha aktividade Partidu ...
1 2 3 623

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker