GMN TV Economia OPTT kolleta hare ektare hitu iha Quelicai

OPTT kolleta hare ektare hitu iha Quelicai

Organizasaun Popular Traballadór Timor-Leste (OPTT), kolleta tan hare ektare hitu iha Postu-Administrativu Quelicai.

Hare ektare hitu ne’e kolleta hosi Grupu Kooperativa Seleiro Matebian Raiklaran entre Baucau ho Viqueque nian.

OPTT kria grupu kooperativa hodi halo toos, natar no hakiak animál atu kore povu husi kiak no hamlaha, tamba dezde Timor-Leste restaura nia independénsia to’o ohin loron populasaun kontinua halerik ba fós no osan.

Prezidente OPTT, Ivo de Jesus Sequeira, afirma, objetivu OPTT intensaun organiza membru sira halo to’os, natar no hakiak animál ho intensaun motiva povu iha rai ida ne’e labele depende deit ba Estadu no Governu no mós labele depende deit ba produtu rai-liur nian.

“Objetivu prinsipál mak tanba uluk luta libertasaun nasionál, sira-nia partisipasaun ba ukun rasik-na ida ne’e,  maibe to’o ukun rasik-an povu sei kontinua kiak, terus no hamlaha. Tanba ne’e mak Ami organiza malu tenke halo natar no toos inklui hakiak animal hodi nune’e mak bele hasai fali povu sira hosi kiak no hamlaha. Ita hotu hatene Timor-Leste nia ekonomia dependénsia deit mak hosi rai-liu, hahán no na’an sira tenke mai hosi rai-liur, nesesidade báziku sira hotu-hotu mai hosi rai-liur, osan mos sei ema nian hotu, tanba Timor-Leste seidauk iha osan rasik, tanba ne’e mak povu ida ne’e kontinua terus no hamlaha nafatin”,hatete Ivo de Jesus Sequeira ba JN-Diário iha Delta 4, Díli, Domingu (11/07/21).

Prezidente OPTT mós husu ba povu agrikultór sira ne’ebé hela iha kapitál Díli atu fila ba Munisípiu hodi organiza malu halo to’os natar no hakiak animál nune’e bele kore-an husi kiak no mukit.

“Ha’u husu ba povu Timor ne’ebé konsentra iha kapitál Díli atu fila ba ida-idak nia Munisípiu hodi organiza malu halo tos no natar so nune mak ita nia independensia ne’e metin ita labele dependénsia deit ai-han hosi rai-liur, loron ruma ita-nia nasaun ne’e sei hetan risku ba hamlaha. Tanba ne’e, di'ak liu povu hotu liman tenke tama natar no toos inklui hakiak animal so nune’e mak bele kore-an dependensia hosi rai liur”,dehan Ivo.

Produtu ne’ebé OPTT kolleta ne’e mós sei kontinua iha munisípiu sira seluk ne’ebé durante ne’e organizasaun refere halo toos, natar no hakiak animal no produtu ne’ebé OPTT kolleta ne’e mós atu tulun Estadu  no Governu hodi labele depedénsia deit ba sasán importasaun.aba


Banner

Foto

Notisia Ikus

Semana ne’e MAKLN hahú verifika dadus veteranu

August 1, 2021
Ministériu Asuntu Kombatente Libertasaun Nasi...

PM Taur hirus membru PSHT re'in ema nia ain

August 1, 2021
Primeiru Ministru (PM), Taur Matan Ruak, desdkor...

Variante Delta nafatin ameasa saúde públika, PR dekreta EE da-XVI

July 31, 2021
Xefe Estadu, Francisco Guterres Lú Olo, liu hos...

Velosidade internet lentu, AHDMTL husu MTK tau atensaun

July 31, 2021
Velosidade internet lentu ka neneik liu difikult...

Envolvimentu juventude iha ParPol importante

July 31, 2021
Envolvimentu  juventude iha aktividade Partidu ...
1 2 3 623

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker