Kompañia Internasional China Overseas Engeneering Grup (COVEC), ne’ebé konstroe auto estrada husi Suai ba to’o Beasu-Viqueque, Segunda (20/08), hasoru malu ho Primeiru Ministru (PM), Taur Matan Ruak, hodi informa kona ba progresu projetu auto estrada ne’e. Iha sorumutu ne’e, kompañia COVEC informa katak, dadaun ne’e projetu auto estrada Suai-Beasu atinji ona 99%, no sei entrega iha fulan Outubru, tinan ne’e.
Public Relation Manager, Alexandra da Costa, informa, sira hasoru malu ho Primeiru Ministru, Taur Matan Ruak hodi informa kona ba progresu servisu auto estrada husi Suai ba Beasu.
“Ami husi kompañia COVEC, iha audiénsia ho Primeiru Ministru, Taur Matan Ruak, ami hato’o asuntu tolu. Primeiru ami fó parabens ba Primeiru Ministru ba kargu ne’ebé nia lori, no ami hato’o ami nia relatóriu progresu kona ba auto estrada husi Suai ba Beasu,” afirma Alexandra.
Kompañia COVAC hato’o ba PM Taur katak, sira prontu atu suporta nafatin VIII Governu nia programa iha tinan lima tuir mai.
“Projetu auto estrada Suai ba Beasu ne’e, agora iha ona 99%, Fulan Outubru agora, tanba husi Ministériu Petroleu hato’o tiha on aba Primeiru Ministru katak, atu inaugural,” informa Alexandra
Nia afirma, rona tiha progresu ne’e, Primeiru Ministru, Taur Matan Ruak kontenti no apresia tebes servisu kompañia COVAC ne’ebé halo auto estrada Suai no Beasu ho kualidade tebes.
“Primeiru Ministru kontenti no satisfas kona ba saida mak ami nia kompañia halo,” relata Alexandra da Costa.
