GMN TV Regional SAHAT SITORUS: RI-TL FAHE FRONTEIRA HO RAZOÁVEL

SAHAT SITORUS: RI-TL FAHE FRONTEIRA HO RAZOÁVEL

0 views

Embaixador Repúblik (RI) Indonesia ba Timor-Leste, Sahat Sitorus, Sesta (10/08/2018), ho nia ekipa hasoru malu ho Prezidente Parlamentu Nasionál (PPN) Arão Noe de Jesus Amaral, hodi kongratula no enkoraja líder segundu órgaun soberanu ne’e atu susesu iha nia mandatu.

Sahat Sitorus haktuir, iha nia vizita kortejia ne’e, enkoraja mós líder órgaun lejislador ne’e, atu iha vontade no forsa polítika hamutuk ho órgaun sira seluk, hodi bele solusiona situasaun poítika atual iha Timor-Leste, atu nune’e dezenvolvimentu iha Timor-Leste la’o normal.

“Ha’u hato’o obrigadu ba Prezidente Parlamentu, tanba ohin loron ha’u hasoru nia iha tempu ne’ebé okupadu maka’as ho nia servisu, ha’u-nia objetivu vizita kortejia ne’e atu hato’o kongratulasaun ba nia tanba eleitu hanesan Prezidente Parlamentu, espera maromak fó forsa polítika atu bele lidera Parlamentu no servisu hamutuk ho ajensia governamental sira hodi kria situasaun polítika ne’ebé kondusívu iha nasaun laran, atu nune’e prosesu dezdenvolvimentu bele la’o ho di’ak,”dehan embaixador Indonesia ba Timor-Leste, Sahat Sitorus hafoin sorumutu iha gabinete PPN.

Embaixador Indonesia ba Timor-Leste ne’e hateten, nia parte relata mós konaba prezensa Prezidente Repúblika Francisco Guterres ‘Lú Olo’ ba Indonesia iha fulan hirak liu ba, ne’ebé konsege vizita mós ba Parlamentu Indonesia nian ho di’ak tebes.

“Ha’u mós hato’o konaba vizita Prezidente Repúblika Francisco Guterres ‘Lú Olo’ ba Indonesia ne’e la’o ho di’ak, no hasoru malu ho membru Parlamentu Indonesia ho ambiente ne’ebé maun alin tebes, ne’ebé ho hanoin atu servisu hamutuk, fó apoia malu iha julgamentu Parlamentar iha nível bilateral, rejional no multilateral,”relata Sahat.

Alende ne’e, líder diplomata ne’e mós garante, Repúblik Indonesia (RI) ho Timor-Leste (TL) atu bele finaliza lalais asuntu Fronteira Terrestre sem iha odíu malu no fahe ho razoavel.

“Buat seluk mak, Indonesia ho Timor-Leste atu bele finaliza lalais problema fronteira, liu hosi maun bo’ot Xanana hanesan líder negosiador atu hasoru malu ho Ministra Negosiu Estranjeira Indonesia nian, ita nasaun 2 hanesan nasaun relijioza husu ba maromak atu hatudu polítika ba negosiador sira ho perítu tékniku sira fronteira nian, nune’e bele finaliza ho razoavel, laiha ida mak sente prejudika entre parte rua, ba líderansa ho povu hotu,”subliña Sahat Sitorus.

Iha sorumutu ne’e, líder diplomata ne’e mós hateten, kooperasaun Indonesia ho Timor-Leste sei metin liutan, liuhosi servisu hamutuk iha setór oi-oin iha prosesu dezenvolvimentu.

Oras ne’e dadauk maun bo’ot Xanana Gusmão mak lidera hela asuntu ba fronteira maritime no mos terrestre.Say


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker