GMN TV Regional TIMOR-LESTE APOIA US$ 750.000 BA LOMBOK

TIMOR-LESTE APOIA US$ 750.000 BA LOMBOK

Governu Timor-Leste (TL) liu husi Ministériu Negósiu Estranjeiru no Kooperasaun (MNEK) simbolikamente entrega  osan hamutuk US$ 750.000 ba Sekretáriu Head Of Honorary Consular Officer Embaixada Indonézia iha Timor Leste.

Serimonia entrega osan ne’e, hala’o iha salaun enkontru Ministériu Negosiu Estranjeiru no Kooperasaun Praia dos Coqueiros Dili, Kinta (02/08).

“Tuir desizaun konselhu Ministru nian, atu Timor-Leste fó apoiu humanitária ba povu indonézia ne’ebé sai vítima husi rai nakdoko ne’ebé akontese iha semana liu ba. Tanba ne’e  Governu Timor-Leste mós hakarak apoiu orsamentu hodi ajuda vítima rai nakdoko iha Ilha Lombok-Indonézia, hanesan asaun solidariedade ba  Governu Indonézia, hodi bele ajuda vítima dezastre naturais iha Lombok nian,” hateten  Lisualdo Gaspar ba GMN iha Praia dos Coqueiros.

Nia hatutan, apoiu solidariedade ne’e, Governu Timor Leste deside liu husi  enkontru Konselhu Ministru, ne’ebé deside MNEK atu entrega xeke ba Embaixada Indonézia iha TL, no sei kontinua koordena ho Ministériu Finansa atu  prosesa no transfere kedas osan sira ne’e tuir kanal ne’ebé mak iha tiha ona, atu iha tempu badak osan ne’e bele to’o iha Indonézia.

Nune’e mós Reprezentante Sekretáriu Head Of Honorary Consular Officer Embaixada Indonezia iha TL, Novita Supit, agradese ba Governu TL ne’ebé ho laran diak fó apoiu solidariedade ba povu Lombok, ne’ebé hetan dezastre naturais hodi responde situasaun ne’ebé oras ne’e povu Lombok hasoru.

Rai nakdoko iha ilha Lombok-Indonézia  hamate ema nain 16, no ema 305 hetan kanek, inklui uma 1000  resin hetan estragus.aba


Banner

Foto

Notisia Ikus

Portu Díli sei transforma ba zona turístika

July 30, 2021
Primeiru Ministru (PM) Taur Matan Ruak, hatete b...

PN ezije Governu responde povu nia halerik durante pandemia

July 30, 2021
Reprezentante povu sira iha Parlamentu Nasionál...

PPN la admite kansela diskusaun lei EOJF

July 29, 2021
Prezidente Parlamentu Nasionál (PPN) Aniceto Gu...

Governu aplika SS iha munisípiu Ermera no Díli ba semana rua

July 29, 2021
Governu liu husi reniaun Konsellu Ministru, Kuar...

PPN Aniceto promete sei altera LPV antes mandatu remata

July 29, 2021
Prezidente Parlamentu Nasional (PPN), Aniceto Gu...
1 2 3 622

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker