GMN TV Regional Aban traballadór 114 husi Korea du Sul to’o TL

Aban traballadór 114 husi Korea du Sul to’o TL

0 views

Diretór Jerál Asuntu Konsular Protokolu no Midia Ministériu Negósiu Estranjeiru, Embaixadór Juvêncio de Jesus Martins, hateten, Governu kontratu ona aviaun Citilink, hodi transporte traballadór 114 husi Korea du Sul mai Timor-Leste (TL), iha loron 5, fulan ne’e, inklui ho mate-isin rua.

“Sira hotu hamutuk no junta hamutuk sira husi nasaun seluk mai hotu iha Seoul-Korea mak sei mai to’o iha Bali no sei to mai Timor iha dia 5 tuku 1, ekipa husi SEFOPE, Saúde, MNEK, ANATL, Alfándega, seguransa ita halo preparasaun ho kompletu”, Diretór Jerál Asuntu Konsular Protokolu no Midia Ministériu Negósiu Estranjeiru, iha MNEK, Segunda (03-08-2020).

Diretór Jerál SEFOPE, Paul Alves, relata, tuir planu iha fulan Jullu tenke fila, hafoin aprezenta ba MNEK konsege halo prosesu no bele lori fila mai Timor, inklui ho mate-isin ne’ebé mate iha loron 4, fulan Jullu, liu ba.

Nia akresenta mós katak, matebian ne’e mate iha Korea du Sul no hafoin hetan justifikasaun, konsege identifika katak mate ho moras kankru la’ós COVID-19.

Prezidente ANATL, Romualdo da Silva, hateten, ANATL rasik laiha dúvida atu fasilita aviaun Citilink, hodi tun iha aeroportu Nicolau Lobato.

“Sira mai la ba uma, maibé kuarentena, nune’e husu família atu la’o tuir giaun katak ami bele fó asiste husi dook, maibé sei la tama ba aeroportu laran hodi kaer liman no ami sei koordena ho seguransa atu bele akumula no fó biban ba traballadór, sidadaun no mate-isin na’in 2 atu la’o tuir protokolu saúde ne’ebé iha”, nia dehan.

Maske preparasaun hirak ne’e relata ona, maibé dau-daun ne’e Ministériu Saúde (MS) rasik seidauk deside otél ne’ebé sei fasilita kuarentena ba traballadór sira, tanba númeru sidadaun ne’ebé iha kuarentena Tasi Tolu rasik aumenta kada semana, liu husi movimentu sidadaun iha fronteira terestre.

Aviaun Citilink ne’ebé Governu kontratu ho montante osan USD 149.000 ne’e sei tula mós formandu husi SEFOPE na’in 10 iha Bali, estudante Timor-Oan ne’ebé mai husi América na’in 5, na’in 3 husi Tailandia, Indonézia na’in 1, Portugál na’in 1, no pasiente ne’ebé halo tratamentu iha Indonézia na’in 27. ida


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker