GMN TV Regional Semana oin CCT sei exporta kafé tonelada 180 ba Amerika-Nova Zelandia

Semana oin CCT sei exporta kafé tonelada 180 ba Amerika-Nova Zelandia

3 views

Semana oin loron (10/08) Cooperativa Café Timor (CCT), sei exporta kafé  tonelada Atus Ida Ualu Nulu (180) ba nasaun Amerika no Nova Zelandia.

Coperativa Café Timor (CCT), serbisu hamutuk ho NCBA clusa, sei halo exportasaun kafe tonelada 180 ba nasaun estranjeiru, hodi aumenta rendimentu kafe iha Timor-Leste, liu-liu ba agrikultór sira ne’ebé mak produz kafe.

Tipu kafé ne’ebé mak iha dadaun ne’e maka, arabika oraganika ne’ebé mak sosa kada tinan husi munisípiu neen hanesan, Ermera, Liquisa, Aileu, Ainaro no Covalima.

Tinan ne’e, koperativa kafe Timor gasta osan millaun sanulu resin hodi sosa kafe besik tonelada rihun sia.

Tuir Jerente Adjuntu Coperativa Café Timor, Rui Pinto, tinan oin sei sosa tan kafe ho kuantidade ne’ebe bo’ot, hodi  halo exportasaun.

“Halo exportasaun kafe ne’e ba rai liur para atu aumenta tan rendimentu ba nasaun no rendimentu ba familia liu-liu ba agrikultor sira hodi osan ne’e bele sustenta povu liu-liu povu agrikultor sira, exportasaun ida agora ne’e 180 ton agora ne’e ba Amerika orsamentu mai husi Kooperativa Kafe Timor”,dehan, Jerente Adjuntu CCT, Rui Pinto ba GMN iha Bidau Akadiru-hun Sesta (07/08).

Iha fatin hanesan, Ministru Agrikultura no Peskas (MAP), Pedro dos Reis, hateten, ho exportasaun ne’e, Governu sei tau prioridade ba produsaun kafe, tanba Timor-Leste halo exportasaun kada tinan.

Kona-ba presu kafe, ne’ebé sai preokupasaun ba agrikultor sira, Governante ne’e hateten, labele preokupa demais ho folin kafe, maibé tenke produz ho kualidade diak, nune’e atu produsaun ka sirkulasaun kafe iha rai laran labele para.

“Produtu lokal ba kafe di’ak bainhira molok ita halo exportasaun iha ita nia rai laran rasik ita nia produsaun rekolla hotu ona fó kampu traballu ba serbisu traballu ba ita nia ema sira ida ne’e kapas ba planu Governu ni’an ba oin tenke tau atensaun ba iha li-liu ba kafe rasik, ami sita ona kona-ba kafe ninian i orientasaun primeiru ministru ni’an ba oin ne’e primeriu ministru sei tau atensaun makas li-liu kona-ba kafe peremajaan i ao mesmu tempu serbisu ne’ebé mak la’o tiha ona”,dehan, ministru MAP.

Nune’e mos, Prezidente Camara Comersio Industria Timor-Leste (CCT-TL), Oscar Lima, orgullu no kongratula Cooperativa Café Timor, tanba tinan ne’e halo tan exportasaun kafe ho tonelada 180, maske COVID-19 nafatin sai pandemia iha mundu tomak.

“Agora ita exporta sai ba liur, ita kontente tanba osan bele tama fila fali mai ita nia rai laran ne’ebé ba ita ne’e ita tenke fó parabens ba Kooperativa Kafe Timor ho NCBA, NCBA ho nia kooperasaun ne’e kleur tebes i ita espera katak sira iha susesu tanba sira iaha grupu ne’ebé forte tebes sira agora diversifika sira nia-an ba buat seluk tan kuda aifarina ne’e be fó insiativa di’ak ba ita Timor-oan”,tenik, Oscar  Lima.

Kafé ne’ebé mak dadaun ne’e sei rai hela iha armazen Kooperativa Kafe Timor ni’an kuaze tonelada atus walu.Ina


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker