Xefe Departamentu Servisu Água no Saneamentu (SAS), munisípiu Bobonaro, Adriano da Cruz, hateten, dau-daun ne’e SAS munisípiu Bobonaro labele halo kontrolu ba servisu bee-moos ho másimu, tanba rekursu umanu la sufisiente.
“Difikuldade mak rekursu umanu iha nivél munisípiu ema menus tebes no iha nivél postu, agora dau-dauk fasilitadór nivél postu ne’e ema ida-ida de’it no sé abanbainrua sei transforma ba nivél postu klaru katak ita laiha, fasilidade ita menus tebes, entaun ita-nia kareta ida de’it atu halo jestaun ba munisípiu Bobonaru tomak, ezemplu hanesan Maliana Villa susar, tanba sira ho sistema bee ne’ebé kompleksu tebes”, Xefe Departamentu SAS munisípiu Bobonaro ne’e ba GMN iha suku Soilesu, munisípiu Bobonaro, Sesta (07-08-2020).
Adriano hateten, durante ne’e SAS munisipál hetan apoiu husi Grupu Maneja Fasilidade ne’ebé eziste ona iha área sistema bee-moos 100 resin iha postu administrativu nen (6), munisípiu Bobonaro.
Tuir dadus husi SAS Bobonaro totál aldeia hamutuk 190 resin, maibé iha aldeia 30 resin mak seidauk asesu ba sistema bee-moos. ida
