Asidente kareta baku-fila ne’e, akontese iha Aldeia Biluli, Suku Poetete, Munisípiu Ermera, iha lorokraik tuku 18:00 OTL, Kuarta (04-08) rezulta Jenildo Madeira (17) mate fatin, ida grave, no 6 seluk kanek kmaan inklui Amu Parókia Ermera, Deonildo de Andrade, hamutuk ema na’in ualu (8).
Akontesimentu ne’e bainhira Amu Deonildo ho estudante sira ba hili ai-maran, ho kareta modelu truck EDM atu ba tula ai-sunu, maibé teki-teki kareta taka-fila, tanba la konsege trava kareta nia travaun.
Dadaun ne’e paseiente ida hetan grave ho tinan 18, mak agora iha hela sala emergénsia.
“Pasiente ida mak grave restu fila hotu, tamba fatin mak seidauk iha, agora sei iha hela Ermergênsia, nia mak todan oituan tanba nia iha trauma iha kakutak tanba pankada iha ulun, talves bele iha pendarahan otak”,esplika Xefe departementu emergênsia interinu, José Feliz Correia Freitas, ba jornalista sira Kinta (05/08/2021) iha HNGV.
Matebian Jenildo Madeira lori ona ba nia rezidénsia iha Suku Ponilala, Munisípiu Ermera atu hala’o seremónia fúnebre.Lau
