Governu liu husi reuniaun Konsellu Ministru aprova rezolusaun governu ne’ebé aplika Serka Sanitaria (SS) iha suku Naimeco Posto Admistrativu Pante Makasar no suku Bobometo, Posto Admistrativu Oesilo, durante loron 14, tanba númeru infeksaun COVID-19 sae maka’as.
“Konsellu Ministru mos delibera projetu rezolusaun ida hodi impoin serka sanitaria konforme proposta husi RAEOA, serka sanitária iha suku Naimeco, Pante Makasar ho suku Bobometo iha Oesílo,” informa Fidelis Manuel Leite Magalhães, hafoin remata enkontru KM, Kuarta (04/08).
Memsu aplika SS, maibé sidadaun sira ne’ebé kompleta ona, vasina dala rua, bele halo movimentu ho livre iha territóriu nasionál, no importante kumpri nafatin regra husi Ministériu Saúde no Organizasaun Mundiál Saúde.
No ba sidadaun ne’ebé seidauk vasina, atu hala’o viajem ruma, persija hatudu rezultadu teste rastreiu.Eca
