GMN TV Regional Governu tenke padroniza ona folin kafé

Governu tenke padroniza ona folin kafé

16 views

Grupu Kooperativa Kafé Timor (CCT-sígla portugés) husu Prezidente Repúblika, atu rekomenda ba Governu hodi deside folin kafé, tuir padraun merkadu internasionál nian.

Jestór CCT Maubisse, Moises do Rego informa, dala-barak komunidade sira preokupa ho folin kafé ne’ebé parte CCT no National Cooperative Business Association (NCBA) kontrata, tanba dehan la tuir padraun iha merkadu.

“Ami husu ita-nia na’i Prezidente, bele oinsá haree ita nia produtu iha territóriu timor ne’e bele satisfaz ho ita-nia komunidade sira nia hakarak, em prinsípiu ita nia komunidade sira nia hanoin no hakarak mak produtu ne’ebé iha folin tuir sira nia hakarak, maibé grasa deus CCT sei hola tuir folin ne’ebé mak standard internasionál, ami fiar Governu sei desidi kafé nia folin iha tempu badak” sujere Jestór CCT Maubisse, Moises do Rego, hafoin hetan vizita hosi Chefe Casa Civil, Prezidénsia Repúblika, Francisco Maria de Vasconselhos, ba CCT Maubisse Segunda (16/08).

Preokupasaun ne’e, Chefe Casa Civil, Prezidénsia Repúblika, Francisco Maria de Vasconselhos sei hato’o ba Xefe Estadu Francisco Guterres Lu Ólo, nune’e bele rekomenda ba Governu hodi Hadia folin kafé tuir padraun internasionál nian.

“Hau ohin simu proposta deit, depois enkamina ba ministériu sira ne’ebé mak kompetente iha area sira ne’e para oinsá sira tau matan” tenik nia.

CCT Maubisse, durante ne’e sosa produsaun kafé hosi Munisípiu, Aileu, Ainaro no Manufahi.

Tuir informasaun ne’ebé GMN asesa, dadaun ne’e folin kafé iha Timor Leste, sei depende ba folin tradisionál.

Atualmente kafé ne’ebé sosa husi CCT no NCBA nia folin sentávu 0.35 ba kafé ho kulit tasak kada kilograma ida. Maibé diferénsia ho empreza Timor Corp no Colombo, kafé kulit tasak kada kilograma ida sentávu 0.40, no kulit-mutin (ne’ebé dulas ona) USD 2.00.Dms


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker