GMN TV Regional Lakohi koopera ho autoridade lokál, populasaun porsentu 14 iha Covalima la asesa bee-moos

Lakohi koopera ho autoridade lokál, populasaun porsentu 14 iha Covalima la asesa bee-moos

0 views

Administradór Munisípiu Covalima, Afonso Nogueira Nahak, hateten, populasaun munisípiu Covalima porsentu 14 seidauk asesu bee-moos, tanba komunidade balun lakohi koopera hodi implementa projetu ruma.

Tuir Administradór, autoridade lokál ho nia esforsu tomak liu husi Programa Nasionál Dezenvolvimentu Suku (PNDS) buka dalan atu hadia infraestutura báziku iha komunidade nia leet, maibé komunidade balun mak lakohi fó kontribuisaun atu servisu hotu la’o ho susesu.

“86% ami asesu bee-moos, maibé iha balun seidauk, tanba sira lakohi fó sira-nia bee-matan, Administradór no Xefe suku sira halo esforsu dada bee ba sira-nia knua, maibé adat-na’in sira lakohi fó ho razaun barak, ida ne’e mak susar tebes, ami atu remata no konklui bee-moos iha munisípiu Covalima ida ne’e”, Afonso Nogueira Nahak liu husi diskursu iha serimónia inaugurasaun konstrusaun bee-moos iha suku Ogues, munisípiu Covalima, Tersa (08-09-2020).

Ministru Administrasaun Estatál (MAE), Miguel Pereira de Carvalho, husu komunidade tenke iha esperansa boot hadia moris no labele hein de’it husi Governu no Estadu, maibé tenke husi sira-nia-an rasik.

“Programa ne’e hamriik la’ós de’it atu halo infraestutura iha suku nia laran bele fó osan ba Administradór, haruka kompañia sira mai implementa ona projetu ida ne’e PNDS osan aloka ona ba komunidade iha suku ida-idak, ita boot sira mak dehan bee ne’e mak importante liu, Governu sentrál nein deside komunidade rasik mak deside, tanba ita boot sira mak sai na’in ba programa sira ne’e, nune’e ita boot sira mak tenke partisipa iha prosesu tomak no prosesu konstrusaun sira”, tenik Governante ne’e.

PNDS ne’e rasik implementa ona durante tinan 9 iha teritóriu Timor laran tomak no konsege fó benefísiu ba komunidade sira liu husi implementa programa kuaze 1700 resin. ida


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker