GMN TV Regional Governu tenke rekoñese masakre Bobo-Ufe Tumin

Governu tenke rekoñese masakre Bobo-Ufe Tumin

84 views

Prezidente komité masakre Bobo-Ufe, Tumin, Baptista Elo, hatete, atoni-oan barak mate no kanek iha akontesimentu masakre Bobo-Ufe, Sub-Rejiaun Oesilo, Rejiaun Autónomu Espesiál Oecusse Ambeno (RAEOA), iha tinan 1999.

Maibé to’o ohin loron, seidauk hetan rekoñesementu husi Governu kona-ba akontesimentu ne’e, no ba família ne’ebé lakon sira nia maun-alin, inan-aman to’o la hetan sira nia isin mate, no mate-restu sira.

“Ami nia esperansa ba futuru ami hakarak atu husu nafatin Estadu atu bele rekoñese netik sira nia mate, parte ba ita nia liberdade, Estadu tenke rekoñese sira, tinan 22 sira nia mate, tratamentu ba oan ki’ak sira, nune’e bele hetan oportunidade,”sujere Prezidente Komité Masakre Bobo-Ufe, Tumin, Baptista dos Santos Elo, hafoin komemora masakre ne’e ba dala 22, iha Lecidere, Kinta (09/09).

Parte família oan ki’ak no mate restu, la ejize justisa, maibé husu Estadu nia tratamentu ba oan-ki’ak no mate restu sira, tanba justisa mak liberdade ne’ebé ita hetan ona.

“Justisa ita entrega ba ita nia Estadu, husi família la ejize justisa, importante mak liberdade,” tenik Elo.

Oan-ki’ak husi saudozu Alberto Afoan, sente triste tanba lakon aman ne’ebé diak, hodi responsabiliza ba família, maibé ne’e destinu Maromak nian.

“Ha’u hanoin ba Estadu tenke tau matan ba vítima sira hotu, la’os tau matan deit ba veteranu sira,” espresa José Bobo.

Masakre Bobo-Ufe, akontese iha loron 8-9, fulan Setembru, tinan 1999, bainhira rona ona rezultadu konsulta popular, iha loron 30, fulan Agostu, 1999, milísia pro integrasaun sira rai odiu, nune’e halo atake kedas ba aldeia tolu iha suku Bobo-Ufe.

Grupu milísia sira halo atake ba loron dahuluk iha loron 8, fulan Setembru 1999, hamate uluk sidadaun mate 20 resin mak mate. No iha loron 9, fulan hanesan, konsege halo ona kapturasaun ba joven no lia-na’in balun lori ba Kefa Manano (NTT) hodi halo investigasaun, nune’e konsege halo torturasaun, to’o rejulta sidadaun hamutuk 50 resin mak mate tan, no balu konsege halai.GMN


Banner

Foto

Notisia Ikus

Militante partidu haat afilia ba CNRT

September 28, 2021
Juventude no Veteranu husi partidu haat iha Suku...

Kongresu nasionál FRETILIN, adia ba 2022

September 28, 2021
Partidu Frente Revolusionáriu Timor-Leste Indep...

PR dekreta Ma’Huno halo’ot iha JHPM

September 28, 2021
Prezidente Repúblika (PR), Francisco Guterres L...

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...
1 2 3 645

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker