GMN TV Justica e Segurança Xanana prontu fó sasin ba kazu Topu Honis

Xanana prontu fó sasin ba kazu Topu Honis

286 views

Líder Nasionál, Kay Rala Xanana Gusmão, Segunda (27/9), kontinua akompaña julgamentu kontinuasaun ba kazu pedofilia iha Orfanatu Topu Honis, ne’ebé deskonfia komete husi eis padre Richard Daschbach.

Prezensa Xanana Gusmão nian iha TDO ne’e, hodi konfirma data fiksu sai testemuña ba kazu ne’e. No Diretór Komisaun Justisa no Paz Dioseze Díli, Padre Herminio Fátima Gonçalves, Tribunál notifika ona, tanba relatóriu investigasaun ba kazu Topu Honis ne’e fó sai fali ba públiku.

Relatóriu investigasaun ne’ebé iha, momentu ne’eba, Padre Herminio ne’ebé hetan koñesimentu husi Arsebispu Arquidioseze Metropolitana Díli hodi lidera hela ekipa halo investigasaun ba kazu pedofilia ne’e, no nia relatóriu ida entrega ba Xanana Gusmão ho kapasidade hanesan líder nasionál ida.

Maibé relatóriu ne’e sai fali ba públiku, tan ne’e Tribunál notifika kedas Padre Herminio no Kay Rala Xanana Gusmão sai sasin ba kazu Topu Honis.

Xanana afirma, la bele haree nia prezensa hanesan atu halo intervensaun ba prosesu judisiál, maibé hakarak hatu’ur justisa ho lolo’os ba Timor-oan tomak.

Prosesu kontinuasaun ne’e, Tribunál kontinua rona testemuña prinsipál husi “Mama Asrama”  kompostu husi ema na’in sanulu resin, hafoin kontinua ba Padre Herminio ho Kay Rala Xanana Gusmão rasik ne’ebé seidauk fo sai nia data fiksu.

Antes ne’e, Tribunál rona ona testemuña husi padre Yohanes Suban Gapung, SVD no Komisária Direitu Labarik, Dinorah Granadeiro.

Eis Padre Richard Daschbach hetan asisténsia legál husi advogadu Eusebio Guterres, Miguel Faria, Pedro Aparício no advagadu rua seluk tan.

Julgamentu kazu ba ne’e prejide husi juíz koletivu Yudi Pamungkas, Hugo da Cruz Pui no Evangelino Belo, Ministeriu Públiku reprezenta husi prokuradór Matias Soares.Nes


Banner

Foto

Notisia Ikus

Armanda Berta deklara kandidata-an ba PR, promete kumpre deit K-RDTL

January 21, 2022
Prezidente Partidu Kmanek Haburas Unidade Nasion...

Laiha konbustível ba kareta funeráriu, PN kritika MSSI halo servisu la hatene

January 21, 2022
Parlamentu Nasionál (PN), kestiona maka’as ka...

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker