GMN TV Justica e Segurança Aktu soe estatua iha Laklubar, Uma-Kreda entrega ba PNTL hodi prosesu

Aktu soe estatua iha Laklubar, Uma-Kreda entrega ba PNTL hodi prosesu

274 views

Arsebispu Arquidiocese metropolitana Díli, Dom Virgílio do Carmo da Silva SDB, la tolera aktu ema deskoñesidu, ne’ebé soe sai estatua Nossa Señora husi kapela, iha Laklubar, Postu Administrativu Laklubar, Munisípiu Manatuto.

Tanba ne’e Dom Virgílio hatete, atu prosesu hahalok soe estatua Nossa Señora ne’e, polísia iha kompeténsia atu buka tuir sidadaun ne’e hodi prosesu tuir dalan loos no justu.

“Ha’u hanoin katak, ita iha nasaun ida ne’ebé iha Lei nia okos, ita hein katak, ita nia polísia sira iha kompeténsia buka atu hatene tuir no loos duni buat ne’e ita lakohi atu akontese no ita lakohi atu repete nafatin aktu ida ne’e mosu, tanba ne’e ita husu atu entrega ba hirak ne’ebé kaer Lei no orden, atu labele kria konfuzaun, tanba ita nasaun ida ne’ebé maioria Katóliku ho hahalok akontese hanesan ne’e lolos ne’e la tama ita nia kakutak, banhira ita rona hahalok sira ne’e mos,”, hatete  Arsebispu Arquidiocese metropolitana Díli ne’e, ba GMN, hafoin prezide misa abertura ba Sínodu iha nível Dioseze, Domingu (17/10), iha paroquia Imaculada da Conçeição Katedral, Díli.

Akontesementu ne’e akontese iha Kinta loron 14, fulan ne’e, ema deskoñesidu soe sai, estatua Nossa Señora  no Bíblia husi kapela Laklubar nian.

PNTL halo ona identifikasaun ba suspeitu soe estatua Na’in-Feto iha Laklubar

Komandante Polísia Nasionál Timor-Leste (PNTL) Munisípiu Manatuto, Superintendente João da Costa, hatete, suspeitu FX ne’ebé deskonfia soe estatua na’in feto iha Kapela Laklubar, família entrega ona ba PNTL hodi hala’o prosesu identifikasaun durante oras 12.

“Ita identifika suspeitu tanba, sira ba iha suspeitu nia-uma tanba tais ida tau hela estatua leten ne’e, ema nia aman (FX) ne’e lori tutuir hela depois lilin balun nia lori iha ne’ebá, entaun família deskonfia nia ba halo buat a’at ne’e, entaun lori ba entrega iha Polísia”, esplika Komandante PNTL Munisípiu Manatutu ne’e,  ba GMN, via telefone Domingu (17/10).

Kazu ne’e akontese iha Kapela Postu Administrátivu Laklubar, iha Kinta loron 14 fulan ne’e, no iha Sesta loron 15, família entrega kedas sidadaun ne’ebé família suspeita ba Polísia Eskuadra, hodi hala’o prosesu identifikasaun, tanba parte família informa katak, suspeitu ne’e ema ho kondisaun ‘moras mentál’.

Komandante PNTL ne’e relata, hafoin prosesu identifikasaun, servisu seksaun investigasaun sei entrega prosesu ne’e ba iha Ministériu Públiku (MP) bele deside. No PNTL nafatin asegura suspeitu iha Eskuadra Polísia Laklubar, nune’e ema ruma labele hanoin a’at fali ba iha suspeitu.

“Ita asegura  nia iha hela Eskuadra Polísia Laklubar para buat ruma labele akontese ba nia, tamba sarani barak ne’e hanoin la hanesan. “Sarani sira tuntut para entrega ba sira, maibé labele, buat hotu-hotu tenki tuir prosedimentu  ne’ebé iha, depois hotu tiha ita-hotu tenki koopera” dehan João da Costa.

Akontesimentu estraga estatua Nossa Señora, antes ne’e akontese mós iha Igreja Parókia Sagrada Coração de Jesus Becora, Díli. Tos/avi


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker