GMN TV Regional CI-CNC sei transforma Balibo sai Sidade Liberdade

CI-CNC sei transforma Balibo sai Sidade Liberdade

54 views

Konsellu Imprensa Timor-Leste (CI-sigla portugés) no Sentru Nasionál Shega (CNC-sigla portugés) sei transforma Balibo husi ‘Knua Naran Laek’ ba ‘Sidade Liberdade’.

Prezidente Konsellu Imprensa, Virgílio ‘Lamukan’ Guterres hatete, atu alkansa objetivu sira ne’e, CI-TL no SNC sei konsulta ho autoridade Munisípiu, autoridade lokál suku no komunitária sira hodi hala’o peskiza narativa kona-ba sekuénsia konseitu Balibo Sidade Liberdade.

“Halo advokasia no intensiva kampaña média. Diálogu ho líder nasionál sira, partidu polítiku, autoridade Munisipál no autoridade lokál sira iha Balibo, líder komunitária no matenek oan sira Balibo nian. Halo sensibilizasaun ba populasaun iha Postu Administrativu Balibo no Munisípiu Bobonaro kona-ba konseitu Balibo Sidade Liberdade,” dehan Virgílio Guterres, liu husi Konferénsia Imprensa Sábadu (16/10), iha Balibo, hafoin selebra loron trajédia Balibo Five ba dala 46.

CI mós rekomenda Governu atu determina liu husi dekretu ka rezolusaun Governu nian, kona-ba transformasaun Balibo Knua Naran Laek ba Sidade Liberdade.

Prezidente Autoridade Munisípiu (PAM) Bobonaro, fó apresiasaun ba CI ho SNC ne’ebé ho planu no inisiativa rasik atu transforma Balibo sai Sidade Liberdade nian.

“Ne’e orgullu boot mai ami katak, atu tau atensaun mai ami, fó hanoin ba ami liu-liu ba ami nia jerasaun foun atu bele hatene istória ne’e kle’an” katak PAM, Bobonaro, Julio Carvalho Cairo.

Durante semana ida komemora loron trajédia Balibo Five, CI ho SNC rona sasin husi família vítima trajédia Balibo Five, no fahe sertifikadu ba manan na’in prémiu ho kategoria oi-oin husi CI.GMN


Banner

Foto

Notisia Ikus

Xanana aprezenta progresu negosiasaun fronteira marítima no terrestre ba PN

January 22, 2022
[caption id="attachment_59134" align="aligncenter"...

Campanha das eleições presidenciais prevista para início de março

January 22, 2022
A campanha das eleições presidenciais terá in...

KM aprova ona karta reforma husi Lere, desizaun ikus iha PR Lú Olo

January 22, 2022
[caption id="attachment_59120" align="aligncenter"...

Armanda Berta deklara kandidata-an ba PR, promete kumpre deit K-RDTL

January 21, 2022
Prezidente Partidu Kmanek Haburas Unidade Nasion...

Laiha konbustível ba kareta funeráriu, PN kritika MSSI halo servisu la hatene

January 21, 2022
Parlamentu Nasionál (PN), kestiona maka’as ka...
1 2 3 684

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker