GMN TV Regional Komunidade balu iha Makadadi “lakohi” simu vasina

Komunidade balu iha Makadadi “lakohi” simu vasina

38 views

Komunidade balu iha Suku Makadadi, Postu Administrativu Ataúru, Munisípiu Díli lakohi simu vasina kontra COVID-19, maske komunidade sira partisipa iha programa kampaña vasinasaun, ne’ebé Governu realiza iha Suku ne’e.

Xefe Aldeia Illitimor, Suku Makadadi, Marcos Martins, promete nia rasik sei mobiliza nia komunidade, hodi ba simu vasina, maibé realidade komunidade ho nia rasik no nia família laiha ida maka simu vasina.

“Ha’u triste tebes, tanba ha’u nia komunidade lakohi simu vasina, maski hau informa ona, maibé sira hatete ba ha’u katak, ne’e ami nia direitu ami hakarak vasina mak vasina sei ami lakohi ita-boot mós lallika mai obriga ami,” dehan Autoridade Lokál ne’e ba GMN, semana ne’e.

No autoridade lokál ne’e esforsu nafatin hodi konvense fila-fali komunidade, nune’e bele iha konsiénsia ba simu vasina.

Abitante Marcelo Soares afirma, nia seidauk prontu simu vasina, tanba vasina ne’e la’os lakohi, maibé tanba komunidade balu iha istóiria moras ne’ebé bele lori risku boot, bainhira sira simu vasina.

“Vasina ne’e laos ita lakohi simu, maibé ita labele obriga ita-nia a’an tanba ha’u mós iha moras balun kona” tenik.

No parte Autordade Postu Ataúro rasik sei kria regra foun ba komunidade, bainhira trata dokumentu importante iha fatin administrasaun sira, presiza hatudu kartaun vasina.

“Ha’u hatete ba imi, ha’u sei aplika regras ida katak, se maka seidak simu vasina, nia sei la tama iha hau nia edifisiu” hatete, Administadór Postu Administrativu Ataúro, Bosco de Jesus Afonso.

Atualizasaun dadus vasinasaun ne’ebé ralata husi Sentru Integradu Jestaun Krize (SIJK) to’o loron 19, fulan ne’e hatudu, populasaun ho idade 18 ba leten ne’ebé simu ona vasina doze dahuluk hamutuk 515.448 reprezenta porsentu 68.3, no vasina doze daruak atinje ona 331.054 reprezenta porsentu 43.9. Nune’e totál vasina ne’ebé fó ona ba populasaun hamutuk 846.502.Eni


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker