GMN TV Regional Komunidade Suku Lete-Muno preokupa kondisaun estrada no eletrisidade laiha

Komunidade Suku Lete-Muno preokupa kondisaun estrada no eletrisidade laiha

200 views

Suku Lete-Muno, Postu Administrativu Quelicai, Munisípiu Baucau, komunidade sei infrenta problema sira hanesan kondisaun estrada ne’ebé grave, aldeia balu laiha eletrisidade no bee-moos sei menus tebes.

Abitante José Alberto Freitas hatete, kondisaun estrada husi Quelicai Villa atu ba sira nia suku kuaze kilómetru 8 kondisaun grave tebes, tan ne’e difikulta tebes sira bainhira lori sira nia produtu lokál ba merkadu.

“Ami nia estrada ne’e a’at, ami hato’o ba ami nia na’i ulun sira ne’ebé ukun, ne’ebé povu hili imi tur ba haree povu ba situasaun ne’ebé ami infrenta iha baze, ami nia estrada mak hanesan ne’e, ne’ebé haree tok ida ne’e oinsá mak ami nia estrada sai di’ak liu, nune’e ami presija lolos mak dezenvolve,” sujere José Alberto Freitas, ba JNDiário, Sábadu (23/10).

Autoridade lokál Suku refere mós rekuñese, problema estrada, eletrisidade no bee-moos sai preokupasaun iha suku ne’e, no problema sira ne’e hato’o ona ba Governu, maibé to’o agora seidauk iha resposta.

“Momentu Primeiru Ministru mai fahe prémiu ba Ajénsia sira, NGO Sira ninia sertifikadu, iha ne’ebá ha’u hato’o ona mais ate agora ha’u seidauk iha responde ruma, maibé dehan tinan ida ne’e atu dada liña eletrisidade ba área Waibitai nian,” afirma, Xefe Suku Lete-Muno, Paulo Moreira Soares.

Suku Lete-Muno iha Aldeia lima mak hanesan, Lau-mana, Lebenei, Manome, Ruta, Uaidora ho nia populasaun hamutuk rihun 5 resin, no uma-kain 364.Ade


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker