GMN TV Regional La simu vasina, autoridade lokal “ameasa” populasaun

La simu vasina, autoridade lokal “ameasa” populasaun

74 views

Autoridade lokál iha Suku Madabeno no Fahiria, Munisípiu Aileu, sei la fó atendimentu ba sidadaun sira ne’ebé la simu vasina kontra COVID-19, bainhira presiza trata dokumentu importante ruma iha suku.

“Administradór Munisípiu rasik bandu ona katak, karik komunidade ne’ebé mak la vasina, hanesan lider komunitária laiha direitu atu vistu sira nia deklarasaun ruma karik sira presija urjente, mais komunidade tenki vasina no aprezenta kartaun kinur, depois lideransa komunitária bele vistu sira nia deklarasaun ruma,” hatete Xefe Suku Madabeno, Afonso Marques Henrique, ba JNDIÁRIO Sábadu (09/10).

Regulamentu hodi la fó atendimentu, ba sidadaun sira ne’ebé lakohi simu vasina ne’e, orientasaun husi Administradór Munisípiu Aileu Abel da Conceição, iha loron 16 fulan Setembru

Xefe Suku Fahiria, Alberto Loteus afirma, maske autoridade lokál aplika sistema hanesan ne’e iha suku, maibé iha laiha dekretu lei ruma ne’ebé obriga sidadaun sira, atu simu vasina kontra COVID-19. Maibé sidadaun sira mós iha dever, atu halo tuir programa, no planu Governu nian, ne’ebé atu halo di’ak ba ema hotu nia saúde.

“Maibé ita hatene katak, kombate COVID-19 ne’e, programa nasionál, programa Governu nian, moras mós moras mundiál nian, ne’e sidadaun hotu-hotu hakarak ka lakohi iha obrigasaun atu kombate ida ne’e” dehan autoridade lokál ne’e.

Dadus vasinasaun iha Munisípiu Aileu, sidadaun ne’ebé ho idade 18 ba leten ne’ebé mak simu ona vasina kontra COVID-19 doze dahuluk atinje porsentu 52.5, doze daruak foin atinje porsentu 21.6. No territóriu nasionál, doze dahuluk atinje ona porsentu 64.1, no doze daruak foin atinje porsentu 40.4.Ags


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker