GMN TV Politika Preparasaun ba perfurasaun mina-matan iha Suai atinje porsentu 80

Preparasaun ba perfurasaun mina-matan iha Suai atinje porsentu 80

825 views

Operadór petrolífera Timor Resources hamutuk ho nia konsórsiu, hahú ona preparasaun ba atividade perfurasaun posu mina iha Feto Kmaus no Liurai iha Postu Administrativu Suai Vila, Munisípiu Covalima.

Iha inspesaun ne’ebé Autoridade Nasionál Petróleo no Minerais (ANPM) nota katak, preparasaun operadór Timor Resources hamutuk ho nia konsórsiu atinje ona porsentu 80.

“Husi enkontru ne’ebé mak ami halo ohin (horiseik), ami nota katak, falla lobuk ida ne’ebé que iha, maibé fala minór no maiór deit, la’os kritikal. Progresivu teb-tebes em termos de preparasaun, no ekipa sei halo observasaun direta ba iha planta ne’e rasik, no ita atinje porvolta de 80 porsentu husi inspesaun terseira parte ne’ebé iha,” dehan Diretór Dezenvolvimentu no Produsaun, Fernando da Silva, ba GMN iha Covalima, Sesta (08/10).

Nia akresenta, preparasaun ne’e sei iha tan tempu loron tolu ba oin, atu ekipamentu perfurasaun ne’e halo endurance test (test daya tahan), no ekipa tékniku sira sei halo observasaun direta endurance test ne’e.

“Ita hein katak, sira bele finaliza iha loron ka tolu ba oin ne’e, nune’e mákina rasik no ekipamentu perfurasaun ne’e rasik atu halo endurance test iha semana oin. Ekipa tékniku sira sei observa mos endurance test. Ida ne’e depois de rezultadu verifikasaun ho validasaun kompletu husi terseira parte” tenik.

Prezidente ANPM, Florentino Mateus Soares Ferreira, garante, prosesu perfurasaun mina-matan iha Munisípiu Covalima sei laiha impaktu ambientál.

“Tuir padroens ka indústria petroliféru nian, ita sempre iha safety case, hosi ida ne’e karik prienxe ona rekezitu sira, no ekipa tékniku halo nafatin avaliasaun ida ne’e iha última horas antes de perfurasaun atu asegura katak ekipamentu sira ne’e bele funsiona ho di’ak no hosi terseira parte mos mai atu halo verifikasaun no validasaun, ita espera katak ita bele atinje duni espetativa tuir padroens nomos boas prátikas industria nian ba ekipamentu sira ne’e, no mos prosesu tomak ne’ebé mak ita sei halo,” hatete Prezidente ANPM.

Oráriu ne’ebé GMN asesa, molok halo perfurasaun, ba dahuluk, lia-na’in husi Uma Dato-Babulu, Uma-Haemolin no Uma-Sesurai, sei hala’o atividade rituál hodi husu lisensa ba lulik sira, nune’e ezekusaun ba prosesu perfurasaun mina ne’e bele la’o ho di’ak.

Nune’e mós ekipa tékniku husi ANPM, sorumutu ho kompañia terseira parte hodi verifika validasaun dokumentu relevante no ekipamentu hirak ne’ebé sei utiliza iha ezekusaun perfurasaun ba posu Feto Kmaus molok ANPM emite aprovasaun perfurasaun ba posu Feto Kmaus.GMN


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker