GMN TV Regional Deskonfia grupu karakter militar mosu iha Manufahi

Deskonfia grupu karakter militar mosu iha Manufahi

0 views

foto.facebook.com/lianbankada.fretilin

Deputadu bankada FRETILIN, Antonino Bianco, deskonfia mosu grupu deskoñesidu ne’ebé organizadu hosi eis PNTL no F-FDTL, distribui uniforme ho karakter militar iha munisipiu Manufahi.

Deputadu bankada FRETILIN, Antonino Bianco husu deputadu hotu atu labele politiza asuntu hirak ne’e.

“Ami levanta asuntu ne’e, atu halo instituisaun kompetente atu toma responsavel, la’os atu polítiza fali, grupu ne’e iha duni, maibe ministeriu kompetente mak iha dever atu buka tuir asuntu ida ne’e, ”katak Bianco.

Deputadu Antonino Bianco konsidera, farda ne’ebé aprezenta hosi deputadu Patrocino Fernandes husi bankada CNRT nu’udar ema Same oan iha Parlamentu Nasional ne’e laloos, no sei subar farda seluk.

Tuir Binaco, laiha grupu seluk atu halo seguransa, maibe estadu fo fiar de’it polísia mak iha dever atu halo seguransa, karik iha grupu seluk ne’e konsidera ilegal.

Enkuantu deputadu Francisco Branco husu ba parte kompetente atu buka tuir legalidade ezistensia no objetivu loloos hosi grupu refere.

Nune’e Deputadu bankada CNRT, Patrocino Fernandes, hateten, iha duni grupu organizadu hosi eis seguransa no defeza, maibe ho objetivu atu salva sidadaun hotu.

“Iha duni grupu ida, ekipa ida ne’ebé voluntariamente, halo sira-nia organizasaun ida, halo servisu umanitaria ninian ne’ebé eziste nanis ona tempu hirak liu ba kotuk, maibe tanba grupu ne’e iha balun mós iha Same iha, nu’udar eis militar, hodi partisipa iha grupu voluntariu salva guarda moris, no objetivu ne’e atu fo tulun ba kualker sidadaun bainhira hasoru dezastre bainhira movimentu,”haktuir deputadu bankada CNRT Patrocino Fernandes, iha plenaria, Tersa (07/11/2017).

Patrocino informa tan, grupu voluntariamente salva gurada ne’e, iha duni uniforme, maibe la’os karakter militar. Tanba ne’e, nia husu ba deputandu hotu atu labele atrai pániku ba públiku hotu ho informasaun ne’ebé laiha faktus.

“Laiha distribuisaun uniforme ruma ho karakter militar nian iha Same. Sira iha duni uniforme ida, maibe la’os karater militar, maibe hanesan kamija bai-bain, sira lori duni farda ba fo koñese ba sira-nia maluk sira iha Same, farda  ne’e sira voluntariamente halo rasik hodi tau osan hamutuk, atu bele karkteriza sira-nia grupu,”hateten Patrocino.Say


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker