GMN TV Regional [:pt]Komemora masakre Santa Cruz, PR konsidera partisipasaun juventude halo luta sai sustentavel[:en]Komemora masakre Santa Cruz, PR konsidera partisipasaun juventude halo luta sai sustentavel[:tl]Komemora masakre Santa Cruz, PR konsidera partisipasaun juventude halo luta sai sustentavel[:]

[:pt]Komemora masakre Santa Cruz, PR konsidera partisipasaun juventude halo luta sai sustentavel[:en]Komemora masakre Santa Cruz, PR konsidera partisipasaun juventude halo luta sai sustentavel[:tl]Komemora masakre Santa Cruz, PR konsidera partisipasaun juventude halo luta sai sustentavel[:]

0 views

Prezidente  Repúblika (PR), Francisco Guterres ‘Lu Olo’, hatete, partisipasaun juventude Timor-oan tomak nian iha klandestina halo luta sai sustentavel.

PR Lú Olo deklara lia hirak ne’e iha Komemorasaun loron masakre Santa Cruz 12 Novembru 1991 ba dala 27, Segunda (12/11/18), iha Semitériu Santa Cruz, Díli.

PR Lú Olo mos presta  omenajen ba juventude  mane  no feto  ne´ebé mak mate  iha ba rai ida ne’e iha masakre Santa Cruz 12 Novembru tinan  27 liu ba.

``Maske masakre Santa  Cruz akontese iha momentu  komemorasaun aifunan midar Sebastião Gomes Rangel  ne´ebé  militar Indonesia iha 28 Outobru iha Igreja Motael nia laran. Prosesaun hahú husi Motael to´o simiteriu Santa  Cruz militar Indonesia hapara komemorasaun ne´e liu husi tiru mate joven sira iha semiteriu Santa Cruz. Konsekuensia  husi masakre  ne´e la´os de´it joven liu atus rua lakon sira nia vida iha fatin ida ne´e, barak konsege halai  husi ida ne´e lakon sira nia vida iha fatin seluk. Ba sira  ne´ebé mate ha´u  presta ha´u nia omenajen ba imi ninia família imi kontinua hela iha ha´u nia fuan laran”,esplika PR Lú Olo, liu husi ninia diskursu.

PR Lú Olo mos agradese  ba jornalista internasional  Max Stahl no jornalista internasional sira seluk,  ne´ebé mak publika ona  imajen masakre sira iha Timor nian iha tempu okupasaun Indonesia halo  mundu internasionál nakfilak  hodi hateke mai Timor-Leste.

PR Lú Olo dehan, luta nakfilak la´os de´it husi jerasaun tuan sira,  maibe  mós husi joven sira patria  moris iha ida-idak nia fuan laran. No Partisipasaun juventude iha klandestina  halo  luta sai sustentavel,  tanba jerasaun tuan sira kuda fini nasionalizmu  iha  juventude nia  fuan  ho partisipasaun juventude iha zonas okupadas  luta sei la mate tan.

``Juventude ohin loron hasaru dezafiu oi-oin,  juventude presiza banati tuir ezemplu lider sira nian juventude hakribi atetude  koruptu. Ita ténki hadomi  ita nia nasaun, ohin loron dezempregu sai problema seriu nasaun nian,  tanba  presiza  ema hotu-hotu  nian”,dehan PR Lú Olo.

PR Lú Olo mós konsidera papel  juventude importante tebes tarefa oin tolu,  ida reforsa  Estadu rua konsolida demokrasia  tolu dezenvolve nasaun Timor-Leste.

Juventude hatudu  tiha  ona  iha ukun a´an no  juventude mak kriador enerjetiku no idealista.

``Ohin loron estudante rihun ba  rihun mak hetan  graduasaun tinan-tinan husi universidade iha área  oin-oin no balun seluk remata kursu vokasional,  maioria joven buka mak servisu  públiku, maibe Estadu laiha kbiit atu fo servisu ba hotu-hotu  ne´ebé remata kursu universitariu ka formasaun vokasional ba ensino sekundariu. Nune´e  joven sira ténki buka dalan seluk oinsa atu bele hetan rendimentu atu sustenta sira nia a´an no família, ida ne´e signifika katak, joven ida-idak tenki buka dalan atu sai empriendedor atu sai empriendedor  joven tenki fiar a´an no talentu  kapasidade atu foti desizaun determinasaun atu hakat dezafiu  ne´ebé de´it  no iha kbiit finanseiru rasik ka simu investimentu ruma  atu fila liman no moris ho kbiit rasik”,dehan PR Lú Olo.

Nune´e mós Xefi Estadu dehan, Timor-oan sira hakarak fila liman ho kbiit rasik atu moris lor-loron, maibe atividade negósiu kuaze sosa husi rai liur.

``Ita labele kontinua negósiu  liu husi dalan sosa  husi produtu husu rai liur no fan fila-fali hodi manan funan  iha ita nia rai laran. Ita presiza hetan dalan atu hetan dalan negósiu. Empreendedor sira bele hakfilak ekonomia husi keisa ba ekonomia merkadu no nune´e  ita dezenvolve lalais  ita nia rai. Ha´u fiar katak, joven sira iha talentu atu hamosu no habelar idea foun no tau iha merkadu produtu  foun tuir nesesidade merkadu bele halo jestaun diak bele hetan rendimentu ba  sira nia negósiu rasik. Governu presiza  haree ba BNCTL oinsa fó tulun ba joven emprendedor atu hahú ho negósiu kiik no  tolun liña de kreditu ida la obriga  atu selu kedas ka selu juru kiik”,dehan PR Lú Olo.

Entretantu tema  komemorasaun Masakre Santa Cruz ba tinan 2018 mak “Husi juventude ba juventude  hodi prepara  ba futuru”.

Tinan oin, Governu mak responsabiliza selebrasaun 12 Novembru

Entretantu Governu liu husi Sekretaria Estadu Juventude no Desportu  (SEJD), tinan oin mak sei responsabiliza, hodi realiza selebrasaun loron Masakre Santa Cruz 12 de Novembro,tinan 1991.

Sekretariu Estadu Juventude no Desportu, Nélio Isaac Sarmento, informa, selebrasaun ba trjedia masakre santa cruz 1991 ne’ebé sei selebra iha tinan oin, Governu mak sei responsabiliza máximu.

 Nélio Isaac Sarmento kasu lia hirak ne’e ba Jornalista sira, Segunda (12/11/2018), hafoin paritisipa komemorasaun ba loron nasional juventude masakre santa cruz ba dala 27, iha resintu semitériu santa cruz.

Governante  ne’e esplika, maske Governu mak sei responsabiliza, maibé Governu sei kontinua koopera no involve komite 12 novembru hodi partisipa iha prosesu tomak.

“Ha’u husu ba komite 12 novembru la’os intrega mai, bé la’os fila kotuk ona lae, sira intrega em termus komisaun organizadora maibe sira tenke nafatin akompania”,hateten, Nelio Isaac Sarmento.

Segundu Vise Komisaun Organizadora nu’udar mos Sobrevivente 12 de Novembru, Pedro Moniz Pacheco, esplika, maske Governu mak responsabiliza, maibé komite 12 novembru mós akompaña no apoiu ba realizasaun seremonia

“Ami la husik sira, ami kontinua hamutuk ho sira oinsa selebrasaun komemorasaun tinan oin ne’e bele diak liutan no kontinua apoiu hanoin no moral hodi diak liutan iha selebrasaun ne’e”,nia dehan.

Selebrasaun masakre Santa Cruz ba 27, marka prezensa husi Prezidenti Repúblika, Francisco Guterres ‘Lú Olo’ ho nia espoza, Xefe Estadu Maior Jeneral F-FDTL Major Jeneral Lere Anan Timur, Brigadeiru Jeneral Falur Rate Laek no Komandante Jeral Polísia Nasional Timor-Leste (PNTL) Komisáriu Júlio Hornay, maibé Xefe Governu Taur Matan Ruak la marka prezensa.avi/Eus


OTHER ISSUES THAT MAY INTEREST YOU

Garante kualidade internet, operadór tolu ezije Governu aselera fibra ótika
Autoridade Lokál Ailili Husu Governu Hadi’ak Irigasaun Ne’ebé A’at
TDO Kondena Eis Padre Daschbach Kadeia Tinan 12, Defeza sei Halo Rekursu
Ró Berlin-Ramelau Bele Halo Ona Operasaun ba Oecusse-Ataúro
Semana Oin, Ró Berlin-Ramelau Hahú Hala’o Operasaun
Militante FRETILIN 100 resin afilia ba CNRT
Komunidade RAEOA aprezenta problema transporte marítima ba PR Lú-Olo
Asalta bus Avante Amigo, PNTL no F-FDTL kaptura ema na’in lima
PN preokupa transporte marítima ba Oe-cusse ne’ebé kada tinan sempre problema
Prezidente CET: Dom Basílio, pastór ne’ebé “kmanek” tebes iha kreda katólika TL
PM Taur: Dom Basílio hasoru uluk “Daitula” molok kandidatu ba Bispu
Órgaun soberanu Portugués no CEP hato’o sentidu kondolénsia ba Dom Basílio nia mate

Banner

Foto

Notisia Ikus

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...

PR Lú Olo: Tempu ona atu halo revizaun ba K-RDTL

May 18, 2022
Prezidente Repúblika (PR), Francisco Guterres L...

PN aprova Projetu-Lei responsabilidade PR iha finál globál

May 17, 2022
Parlamentu Nasionál (PN) Kinta Lejislatura, apr...

PR Lú Olo kondekora veteranu 83

May 17, 2022
Prezidente Repúblika (PR) Francisco Guterres L...
1 2 3 727

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker