GMN TV Politika Militante FRETILIN 100 resin afilia ba CNRT

Militante FRETILIN 100 resin afilia ba CNRT

839 views

Militante husi partidu FRETLIN, iha Aldeia Lahomea, Suku Lahomea, Munisípiu Bobonaro ne'ebe afilia ba Partidu CNRT. Foto: GMN

Militante hamutuk 100 ida resin husi partidu FRETLIN, iha Aldeia Lahomea, Suku Lahomea, Postu Administrativu Maliana, Munisípiu Bobonaro, deside afilia ba partidu Kongresu Nasionál Rekonstrusaun Timor (CNRT-sígla portugés), hodi fó fiar ba Kay Rala Xanana Gusmão mak lídera nasaun RDTL iha eleisaun tuir mai.

“Ami hakarak halo afiliasaun ne’e ema ne’ebé hakarak kaer Nasaun ne’e i lori povu ba moris di’ak ba oin, Maun Bo’ot Kay Rala Xanana Gusmão ne’ebé kaer partidu CNRT ne’e, nia hun ne’e metin los, agora partidu sira kaer ukun ne’e, hanesan ain tolu de’it, ne’ebé bele baku-fila, ne’ebé ho Avo Nana ami garante povu moris di’ak,” dehan afiliadu Dinis Maia, iha Lahomea, Sábadu (20/11).

Koordenadór Partidu CNRT, Munisípiu Bobonaro, Marcos Xavier, hatete, ho membru foun hirak ne’e, garante CNRT sei manan absoluta iha Munisípiu Bobonaro iha eleisaun prezidensiál 2022 no eleisaun parlamentár 2023.

“Mai hotu iha ne’e, ha’u hanoin 2023 iha Maliana liu-liu suku Lahomea, partidu seluk atu hetan mós araska, ita dudu para iha 2023 Maun Boot Xanana ba tur fali iha Palásiu Governu, para nia bele hadia ita-nia moris” katak Koordenadór ne’e.

Prezidente Interinu, Partidu CNRT, Virgílio Smith husu militante foun ne’ebé afilia husi Partidu FRETILIN, atu servisu maka’as hodi lori vitória ba CNRT iha eleisaun prezidensiál no parlamentár ne’ebé sei akontese iha tinan oin.

“So ema ida de’it naran Xanana ne’e mak bele haree no hadia situasaun agora, liu-liu hatúr konstituisaun RDTL iha nia fatin no dalan los, hatúr Estadu Direitu Demokrátiku ne’e iha fali nia-fatin, para labele hanesan ohin imi dehan viola ne’e, tanba ne’e tiu, tia no alin sira, desizaun ne’ebé imi foti ona, desizaun ida ne’e para atu haree ba situasaun polítika no ita-nia moris” afirma Virgilio Smith.

Iha afiliasaun ne’e, militante sira entrega kedas atributu partidu nian hanesan faru-kaus no bandeira FRETILIN nian ba estrutura partidu CNRT, hodi entrega fali ba partidu FRETILIN.

No militante ne’ebé afilia, simu kedas bandeira no kamiza Partidu CNRT nian, hodi servisu hamutuk lori vitória ba partidu CNRT iha eleisaun sira tuir mai.Ags


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker