GMN TV Regional Ohin, halo’ot Dom Basílio nia isin-mate iha Katedral Santo António Baucau

Ohin, halo’ot Dom Basílio nia isin-mate iha Katedral Santo António Baucau

1,004 views

Loron 4, fulan Novembru 2021, Bispo Dioseze Baucau, Dom Basilio do Nascimento nia isin-mate sei halo’ot iha Katedral Santo António Baucau nia laran.

Desizaun halo’ot iha Igreja Katedral nia laran ne’e, mai husi Conferénsia Episcopal Timorense (CET) no Concelho Colégio do Consultóriu Diocese Baucau nian, no antes ne’e matebian Dom Basílio rasik hatete katak, bainhira nia mate halo’ot nia isin-mate iha Katedral Baucau nian.

“Ne’e uluk kedas, kuandu ami rehab Katedral ne’e, ha’u rasik hatete ba pároku, aban-bainrua amu Bispo nia fatin maka ida ne’ebé e no fim sira hatudu, ne’ebé ha’u hetan konfiansa husi amu sira, nune’e nia mos koordena ho ninia kolega sira hodi mai ajuda ke’e,” dehan Koordenadór ekipa ba preparasaun rai-kuak, Elvino Goncalves ba GMN, Kuarta (03/11), iha Baucau.

Medida rai-kuak ne’ebé prepara hodi halo’ot isin-mate Dom Basílio, ho naruk metru 2,40 kuadradu, nia luan metru 1 kuadradu no nia profunidade metru 1,50 kuadradu.

Observasaun GMN nian iha terrenu nota, rai-kuak ne’ebé atu halo’ot Dom Basílio nia isin-mate ne’e infeita ho hena kores bandeira Vaticano, bandeira no tais Timor-Leste.

Molok serimónia halo’ot isin-mate ne’e, tuir sekuénsia funeral ne’ebé GMN asesa, reprezentante família sei entrega simbólikamente cadáver Dom Basílio ba Igreja, reprezenta husi Prezidente CET Dom Norberto do Amaral, hafoin entrega ba militár sira.

No Monseñór Marco Sprizzi mak lee mensajen amu Papa Francisco nian iha missa halo’ot Dom Basílio nia isin-mate iha Dioseze Baucau.

Hafoin ne’e militár sei lori sai cadáver Dom Basílio ba resintu Igreja Katedral oin, hodi aprezenta ba sarani sira nu’udar ultimo omenajen no sei akompaña ho lia-dadolin husi lia-na’in Baucau no múzika “el silenzio”.

Molok halo’ot, sei hahú ho missa ne’ebé sei prezide husi Prezidente CET, Bispo Dioseze Maliana, Dom Norberto do Amaral iha tuku 10 dadersan. No militár sei hatún cadáver Dom Basílio nian ba fatin deskansa ikus, tuir estilu militár “tiru salvo”.

Iha serimónia fúnebre ne’e mós partisipa husi sarani Dioseze Baucau nian, Dioseze Díli no Dioseze Maliana nian, Primeiru Ministru Taur Matan Ruak, Xefe Estadu Maior Jenerál FALINTIL-Forsa Defesa Timor-Leste (F-FDTL) Tenente Jenerál Lere Anan Timur, Prezidente Parlamentu Nasionál, Aniceto Guterres, Premiadu Novel da Paz José Ramos Horta, Eis Primeiru Ministru Marí Alkatiri, reprezentante Vaticano iha TL, Monseñór Marco Sprizzi, membru Governu no Deputadu Parlamentu Nasionál sira

Dom Basílio Do Nascimento, hakotu i’is iha loron 30 Outubru, tinan ne’e, iha Ospitál Nasionál Guido Valadares (HNGV), hafoin evakua ho aviaun husi Suai, Munisípiu Covalima, tanba atake kardíaku.

Dom Basilio do Nascimento, moris iha Suai, Covalima, iha loron 14 Juñu tinan 1950, no sai na’i-lulik iha loron 25 Juñu 1977, no simu ordenasaun episkopál iha loron 6 Janeiru, 1997 husi papa João Paulo II, Dom Basílio mate ho idade 71.GMN


Banner

Foto

Notisia Ikus

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...

Kazu óbitu Dengue sa’e ba na’in 9, Governu "falla" iha atendimentu

January 19, 2022
[caption id="attachment_59030" align="aligncenter"...

Lere hato’o ona karta reforma ba Governu

January 18, 2022
Xefe Estadu Maior Jenerál, FALINTIL-Forsa Defez...
1 2 3 682

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker