GMN TV Politika PM Taur: Dom Basílio hasoru uluk “Daitula” molok kandidatu ba Bispu

PM Taur: Dom Basílio hasoru uluk “Daitula” molok kandidatu ba Bispu

669 views

Povu Timor-Leste iha Kinta, loron 04, fulan Novembru, nu’udar loron ikus nian hamutuk ho Bispu Dioseze Baucau, Dom Basílio do Nascimento, hafoin fúnebre “cadáver” Bispu nian, iha Katedral Santo António Baucau nia laran.

Hafoin missa ikus ba fúnebre isin-mate Dom Basílio nian, iha Diskursu Primeiru Ministru (PM) Taur Matan Ruak, hatete, Dom Basílio nu’udar ema ne’ebé “poliglota” (katak ema ne’ebé hatene hakerek no koalia lian oi-oin), no sai hanesan defensór ba prinsípiu husi Igreja Katólika hotu-hotu, defensór ba liberdade no garantia paz no igualidade sosiál ba toleránsia umanismu kristaun.

Bainhira nia fila mai Timor-Leste (TL), simu knaar importante iha estrutura Igreja Katólika, sempre hatudu korajem hodi denúnsia hahalok aat, kontra opresaun, a favor ba dignidade umana no direitu povu no nasaun ba autodeterminasaun no independénsia.

“Destinu ho istória hili Dom Basílio do Nascimento hanesan protagonista exemplar husi Igreja Katólika ba luta ba libertasaun nasionál,” dehan PM Taur, iha nia Diskursu seremónia fúnebre isin-mate Dom Basílio nian, iha Katedral Santo António Baucau, Kinta (04/11).

Taur afirma, Dom Basílio hanesan ema ne’ebé matenek no hatene utiliza nia poder Vigáriu, Administradór Apostóliku, nune’e mós hanesan Bispu Septimunicia, hodi influénsia dalan ba akontesimentu sira, iha períodu ida difísil iha istória TL, ne’ebé mosu iha momentu molok Konsulta Popular.

Eis Gerileiru ne’e haktuir istória balu katak, assume mós papél importante ida iha frente klandestina, saudozu mós promove ligasaun entre rezisténsia armada ho komunidade internasionál, iha momentu sira ne’ebé presiza hodi koordena esforsu no mobiliza vontade iha mundu a favor povu. No molok atu kandidatu ba Bispu, Dom Basílio hasoru uluk guerileiru FALINTIL, David Alex “Daitula”.

“Ha’u lembra, dezde ke nia mai Timor-Leste nia nunka lakon halo esforsu atu hasoru Frente Armada, tentativa iha 1994, la konsege, iha 1995 hasoru malu ho Komandante Daitula, lori hosi eis Deputadu Abeto Espírito Santo iha motór ida hodi hasoru malu, hodi ko’alia kona-ba nia kandidatura ba Bispu no mós situasaun Baucau nian” konta tuir.

Iha mós knaar importante seluk, molok anúnsia rezultadu referendu nian, ne’ebé lori vitória ba povu TL liu husi opsaun rua ne’ebé povu hili iha momentu ne’ebá.

“Ha’u lembra Komandante Xanana ordena haruka emissora telefone Satélite ida ba Dom Basílio hodi koordena atividade sira hotu ho komunidade internasionál ho rezisténsia Armada, no telefone satéleite ida seluk ba Amu Juvito iha Díli hodi partilla informasaun ho komunidade internasionál” katak.

Xefe Governu hatete tan, Amu Bispu Dom Basílio hanesan Pastór Igreja, líder relijiozu, membru rezisténsia no hanesan símbolu nasionál ba liberdade povu TL nian.

Papa Francisco hato’o mensajen kondolénsia ba Dom Basílio nia mate

Enkuantu iha missa funerál ba isin-mate Dom Basílio nian, Papa Francisco liu husi reprezentante Santa-sé iha TL, mogseñor Marco Sprizzi, hato’o sentidu kondolénsia kle’an ba sarani no uma-kreda TL, ne’ebé lakon ona bibi-atan diak ida.

Papa nia mensajen ne’e hatete tan, momentu ida ne’e, hanesan momentu importante hametin unidade, kolaborasaun no rekonsiliasaun ba esforsu povu no sarani hotu nian.

Dom Basílio do Nascimento moris iha Suai, Covalima, iha loron 14, fulan Juñu, tinan 1950, oan husi Vitór do Nascimento no Teresa Mesquita do Nascimento.

Dom Basílio iis-kotu iha Ospitál Nasionál Guido Valadares (HNGV-sígla portugés), iha loron 30, fulan Outobru ne’e, tanba sofre moras atake kardíaku.Ags


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker