GMN TV Politika PN preokupa transporte marítima ba Oe-cusse ne’ebé kada tinan sempre problema

PN preokupa transporte marítima ba Oe-cusse ne’ebé kada tinan sempre problema

108 views

Parlamentu Nasionál (PN) liu husi Bankada FRETILIN, Deputada Noemia Sequeira hatete, povu Oe-cusse Ambeno, kada tinan sempre iha difikuldade transporte marítima.

Deputadu ne’e kestiona, loloos Governu prepara antes ona transporte marítima ida, banhira ró Nakroma ba halo manutensaun, nune’e labele impede momvimentu populasaun nian.

“Problema atu fasilita populasaun ne’ebé mak desloka ba Oe-cusse ho Atauru ne’e la’os problema foun, ha’u hanoin problema ne’e akontese desde uluk kedas. Iha governasaun anterior sira mós hanesan, bainhira kuandu ró Nakroma ne’e atu ba halo manutensaun, Oe-cusse sempre iha problema, dala-ruma ró substituisaun ne’e sempre mai ho tarde,” kestiona Deputada FRETILIN ne’e, iha PN semana ne’e, hafoin audiénsia públiku ho Ministériu Transporte no Komunikasoens (MTK).

Kona-ba ró Tranship II, Deputada ne’e dehan, kondisaun ró ne’e ladiak duni, tanba bainhira atraka iha portu sira ne’e, depende fali ba klima.

“Liu-liu kestiona kona-bá ró ne’e (Tranship II) mai atu atraka iha portu Díli, Atauru no Oe-cusse, maibé nia atu atraka di’ak ne’e depende ba klima, ha’u la’os ko’alia de’it, maibé hau sa’e duni ró ne’e” dehan.

Ministru Transporte no Komunikasoens, José Agostino, hatán, bainhira ró Nakroma iha prosesu manutensaun, Governu sempre prepara fali ró seluk hodi substitui, maibé haree ba demanda ne’ebé iha.

No nia garante, ró foun ne’ebé Governu prepara atu substitui Nakroma permanente mak ró Berlin Ramelau, tan ne’e iha fulan Novembru nia laran ró Berlin Ramelau sei to’o iha TL.

Maibé antes ne’e Ministru rasik promete ona katak, ró Berlin Ramelau sei to’o TL iha loron 11, fulan Outobru tinan ne’e, maibé to’o agora ró ne’e seidauk bele mai, tanba presiza kompleta pagamentu ba prosesu konstrusaun.

“Ha’u hetan fali informasaun foun hosi Prezidente APORTIL, katak ró ne’e sei to’o iha Timor, iha meadu fulan Novembru agora, nune’e bele halo operasaun iha inisiu fulan Dezembru” katak govenante ne’e.

Kona-ba ró Berlin Ramelau, antes ne’e Prezidente Autoridade Portuáriu Timor-Leste (APORTIL) relata, “orsamentu ba ró refere, Governu Alemaña 50 porsentu, no ita Governu Timor-Leste 50 porsentu, agora Governu Alemaña kuaze selu hotu ona, hela USD 152 Mil, agora Governu Timor-Leste hela 3.5 Milhões Euro, ne’e kuaze USD 4 Milhões de Dolar Amerikanu, ita kuaze selu ona ba ró refere 75 porsentu, ha’u bele dehan atinji ona 80 porsentu,” hatete Prezidente APORTIL, Flávio Cardoso Neves.

No ró Tranship II ne’ebé Governu aluga husi Surabaya Indonézia, tuir kontratu ne’ebé iha, ró ne’e halo operasaun fulan tolu, maibé Governu hapara deit ho fulan rua, ho razaun osan laiha atu kontinua kontratu operasaun ba fulan ida tan.

Tanba ne’e, Governu selu ba empreza la’os sura kada viajen, maibé bazeia ba kontratu ne’ebé parte sira asina kada fulan USD 220.000. Nune’e konsege halo pagamentu fulan ba rua ne’e, ho montante USD 440.000.Say


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker