GMN TV Regional Prezidente CET: Dom Basílio, pastór ne’ebé “kmanek” tebes iha kreda katólika TL

Prezidente CET: Dom Basílio, pastór ne’ebé “kmanek” tebes iha kreda katólika TL

79 views

Prezidente Konferénsia Episkopál Timorense (CET-sígla portugés), Bispo Dioseze Maliana, Dom Norberto do Amaral, hatete, Dom Basílio do Nascimento sai aman ida ne’ebé diak, hakoak no hadomi ema hotu-hotu.

“Doben sarani sira ne’ebé Nain Jesus Kristu hadomi, liu-liu ba Dom Basílio, ita hotu-hotu hatene nu’udar ema ida iha ema seluk nia leet Maromak hili hodi sai pastór ida ne’ebé kmanek tebes iha kreda Katólika Timor-Leste ninian hodi fiar,” haklaken Dom Norberto, iha nia omília, misa funeral ba Dom Basílio nia isin-mate, Kinta (04/11).

Dom Basílio iha nia karakterístika, umanidade tomak ne’ebé sempre halo sarani sira hakbesik liu-tan ba altar, bainhira prezide misa. No kualidade Dom Basílio nian susar atu hetan.

“Ho nia laran diak ne’ebé dada ema e atrai ema ho nia sentidu de humor ne’ebé halo ema hamnasa haluhan tiha tempu, liu-liu ba nia disponibilidade tomak ba ema se deit husu no nia hatan, e hatan ho lian matenek e kle’an” katak Prezidente CET.

“Belun furak ida ne’ebé iha konversa hanesan los iha família no kolega neon na’in ida ne’ebé iha susar fó liman ba malu, todan ou kaman hulan lesuk hodi la’o ba oin, doben Dom Basílio, ita nia kualidade kmanek hirak neé ami sura la hotu, no neon nain ida kmanek ne’ebé susar tebes atu hanesan ema seluk. Ita boot úniku no sei la hetan tan ida hanesan ita boot” hakotu.

Serimónia misa funeral Dom Basílio do Nascimento, hala’o kuaze oras lima liu, hahú tuku 10.00 dadersan to’o tuku 3.00 OTL, lokraik. Dom Basílio iis-kotu iha Sábadu, loron 30, fulan Outobru 2021, iha Hospital Nacional Guido Valdares, tamnba sofre moras atake kardíaku.

Dom Basílio do Nascimento, moris iha Suai, Covalima, iha loron 14 Juñu tinan 1950, no sai nai-lulik iha loron 25 Juñu 1977, no simu ordenasaun episkopál iha loron 6, Janeiru 1997 husi Papa João Paulo II. Dom Basílio mate ho idade 71.GMN


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker