GMN TV Regional Komunidade Afaça uma-kain 46 vítima ba dezastre naturais

Komunidade Afaça uma-kain 46 vítima ba dezastre naturais

0 views

Komunidade uma kain 46 iha Suku Afaça, Postu Administrativu Quelicai, Munisípiu Baucau afeta ba dezastre naturais ne’ebé akontese iha Kuarta (26/12/2018), foin lalais ne’e.

“Tuku 7 liu 15 minutu akontese dezastre naturais ka anin bo’ot iha Suku afaça rezulta ha’u nia populasaun nia uma hamutuk uma kain 46 mak vítima ba dezastre naturais ne’e inklui mos estraga plantasaun hanesan batar, hudi no seluk”, deklara Xefe Suku Afaça, Joaquim Fernandes Ximenes, ba jornalista sira iha Afaça Kinta-Feira (27/12/2018).

Joaquim Fernandes Ximenes esplika, hafoin dezastre naturais ne’e akontese nia parte tun kedas iha terenu hodi halo verifikasaun no nia informa kedas ba miniteiru relevante atu tau matan vítima sira.

“Uma ne’ebé mak ha’u nia populasaun afeitadu barak liu mak feto faluk no oan kiak sira no dadaun ne’e sira hela iha familia nia uma no balun nafatin hela iha uma ne’ebé hetan estragus ne’e”, Joaquim Fernandes Ximenes.

Nia haktuir, iha loron Kinta semana ne’e ekipa konjunta husi Ministeiru Solidariedade Sosial no Inkluzasaun ho Sekretairu Estadu Protesaun Civil to’o fatin akontesimentu no fo apoiu emerjensia ba vítima sira.

“Ami mai iha fatin ne’e bazeia ba informasaun hato’o ba nasional katak horseik (horbain-rua) iha dezastre iha quelicai, ne’ebé mak rezulta ita nia povu sira sai vítima, tanba anin boot konsege loke uma lubuk ida, kapela lubuk no eskola lubuk ida loke hotu”,.

Alende ne’e mos governu preokupa tebe-tebes ho dituasaun ne’e, tanba ne’e mak sira observa fatin akontesimentu realidade ne’ebé akontese iha terenu atu fo apoiu emerjensia ruma ba vítima sira.

Governante dehan, estadu sei la taka matan  ba vítima sira ne’ebé afeita da dezastre naturais, tanba governu mos propoin orsamentu ba vítima dezastre naturais kuaze milaun 1 resin.

Iha sorin seluk Vise Ministra Solidariedade Sosial no Inkluzaun, Signi Verdial, promete sira la taka matan ba vítima sira ne’ebé hetan dezastre naturais, tanba ne’e ekipa tékniku iha terenu kontinua halo levantamentu dadus nafatin atu nune’e bele fo apoiu ba vítima sira.

“Ita iha apoiu humanitarian oituan ne’ebé ita fo ba ita nia vítima sira ne’e, porta volta de uma 10 mak hetan asistensia temporaria no levantamentu dadus sei kontinua nafatin depois mak fo apoiu ba vítima sira seluk ne’ebé mak seidauk hetan apoiu husi governu”.

Governate ne’e fiar katak, autoridade lokal Suku refere sei  relatoriu iha tempu badak hafoin governu fo humanitarian ba vítima sira. Entretantu apoiu ne’ebé governu fo ba vítima dezastre naturais hotu ne’ebé akontese iha teritoriu timor laran tomak.Aes


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker