GMN TV Regional Kámara deputadu halo destituisaun kontra Donald Trump

Kámara deputadu halo destituisaun kontra Donald Trump

0 views

Kámara Deputadu sira Estadu Unidu Amérika ofisialmente halo destituisaun kontra Prezidente Donald Trump, iha Kinta (19/12/2019) oras Timor-Leste.

Kámara reprezentante Estadu Unidu Amerika ne’ebé lidera husi partidu demokrata halo ona destituisaun hasoru Donald Trump liu husi mekanismu votasaun tanba konsidera prezidente norte amerikanu ba dala 45 nee halo abuzu poder no impede investigasaun kongressu.

Iha artigu dahuluk akuza Trump abuza nia poder hodi fo presaun ba Ucrânia atu investiga nia rival político Joe Biden ne’ebé konsidera nu’udar principal candidato husi democrata ne’ebé sei konkorre iha eleição presidencial 2020.

Votasaun ba artigu dahuluk nee aprovado ho votus 230 kontra 197.

Enkuantu votasaun ba artigu daruak kona-ba akuzasaun impede kongressu ba kooperasaun investigasaun aprovadu ho votus 229 kontra 198.

Iha Artigu daruak nee akuza Trump impede Kongressu hodi ordena funsionarios no ajensia governamentais labele fo sasain ba prosesu destituisaun.

Hafoin faze nee etapa tuir mai sei lori rezolusaun nee ba nivel senadu hodi halo diskusaun iha tinan oin.

Improvavel ba Trump atu denunsia husi kargu tanba iha senadu republikanu okupa kadeira 53 husi husi total assentu 100.

Medida nee sei ejije maioria dois tersu husi total membru senadu 100 signifika sei presija tan pelu menus senadu republikanus nain 10 ba hamutuk ho partidu demokrata hodi halo votasaun destitusaun kontra Trump.

Ho desizaun husi Kámara reprezentantes nee Trump konsidera nudar prezidente Estadus Unidus Amerika ba datolu ne’ebé hetan destituisaun husi Kámara reprezentantes hafoin eis prezidente Bill Clinton iha tinan 1998 no eis prezidente Andrew Johnson iha tinan 1868.

Maibe iha istoria amerikana ne’ebé dura ona ba tinan 243 seidauk iha prezidente ida mak ezonera husi nia kargu liu husi prosesu destituisaun.***


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker