GMN TV Economia Semana Oin, Ró Berlin-Ramelau Hahú Hala’o Operasaun

Semana Oin, Ró Berlin-Ramelau Hahú Hala’o Operasaun

494 views

Ró Berlin-Ramelau atraka hela iha portu Díli.

Ró Berlin-Ramelau dadaun ne’e atraka ona iha portu Díli, iha Sesta (10/12), no atualmente ró ne’e seidauk bele halo operasaun, tanba seidauk iha termu entrega entre kompañia ho Governu Timor-Leste, tanba ne’e ró Berlin-Ramelau sei iha responsabilidade kompañia.

Tuir planu, iha loron 20, fulan ne’e, Governu sei halo inaugurasaun no simu termu entrega husi kompañia, hodi hahú operasaun ba Ataúro no Oe-Cusse, tanba prosesu inspesaun konjunta ne’ebé Administrasaun Portuáriu Timor-Leste, Institutu Públiku (APORTIL, I.P), ho ekipa hala’o, termina ona iha semana ne’e. No rejultadu inspesaun identifika ró Berlin-Ramelau nia kondisaun hotu diak.

Prezidente APORTIL,I.P, Flávio das Neves.

“Desde ró Ramelau atraka iha Portu Díli ne’e sei responsabilidade kompañia nian, tanba seidauk entrega ofisiál ba Governu, tanba ne’e mak dadaun ne’e ita organiza ona para iha loron 20, fulan dezembru ne’e kompañia bele entrega ró Berlin-Ramelau ne’e ba Governu, liuhosi seremónia lansamentu ofisiál ida, nune’e bele hahú halo operasaun tula ita-nia pasajeiru Oe-Cusse no Ataúro durante tempu natál no tinan foun ne’e,” dehan Prezidente APORTIL,I.P, Flávio das Neves, iha Díli (16/12).

Transporte marítima ne’e hala’o operasaun bainhira pasajeiru barak, no kona-ba oráriu lolos operasaun nian, sei deside iha fulan Janeiru, tinan 2022.

Orsamentu ba konstrusaun ró Berlin-Ramelau, Governu Alemaña finansia euro millaun 7 resin no Governu TL investe millaun 14,8. Maibé Governu Alemaña kompleta ona sira nia pagamentu, no hela Governu TL mak seidauk kompleta pagamentu.

“Kona-ba pagamentu ba ró ne’e sim! Ita hotu hatene, Governu sei haree osan para bele selu ona, ne’e duni ha’u hanoin parte finansas nian mós dadaun ne’e USD 4.2 milloens ne’ebé parte APORTIL nian mak halo prosesa lalais, buat ida inspesaun ne’e nune’e bele fó iha finansas para bele rezolve” relata Flávio.

Ró Berlin-Ramelau rejistadu ona iha Organizasaun Internasionál Marítima (IMO-sígla Ingles) ho númeru rejistu 9911393 hanesan ró pasajeiru, no rejistadu ho bandeira St. Vincent no Grenadies, no nia kapasidade tonelajen ka gross tonnage hamutuk 3.409, no nia largura iha metru 16 kuadradu no komprimentu metru 64 kuadradu, ho nia kapasidade tula pasajeiru hamutuk 350, no bele tula ho karreta 10 resin.

Ró ne’e Governu TL liu husi MTK, assina akordu ho Governu Federál Alemaña no empreza Estaleiru Navál “Damen”, iha loron 31, fulan Maiu, tinan 2019, hodi hahú konstrusaun ba ró Berlin-Ramelau.aba


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker