GMN TV Justica e Segurança TDO Kondena Eis Padre Daschbach Kadeia Tinan 12, Defeza sei Halo Rekursu

TDO Kondena Eis Padre Daschbach Kadeia Tinan 12, Defeza sei Halo Rekursu

76 views

Tribunál Distritál Oecusse (TDO), iha leitura akordaun ba kazu pedofilia iha uma-mahon Topu-Honis, Tersa (21/12). Foto: GMN.

Tribunál Distritál Oecusse (TDO), iha leitura akordaun ba kazu pedofilia ne’ebé akontese iha uma-mahon Topu-Honis, tribunál kondena eis padre Richard Daschbach ba kadeia tinan 12, ho krime abuzu seksuál ba menór, husi pena kumulativu tinan 30.

Maibé iha krime balu tribunál preskreve tiha, tanba kazu ne’e akontese, kódigu penál Timor-Leste nian seidauk tama iha vigór. Iha leitura akordaun husi Juíz Yudi Pamungkas deside kadeia tinan 12, maske pena kumulativu tinan 30, tanba haree ba idade arguidu nian kompleta tinan 84, nomós fatór sira seluk.

Juíz lee sai katak, arguido Richard Daschbach nia pena parsela tinan 8 prizaun ba krime kontra lezada L3, ne’ebé previsto no punidu iha artigu 177 númeru 1, konjuga ho artigu 182 númeru 1 aliñea a no d, Kódigu Penál (KP), no artigu 2 númeru 1 no 2 aliñea b no artigu 35 aliñea b husi lei kontra violénsia doméstika.

Kondena mós pena prizaun tinan 7 ba krime komete kontra lezada L4, previstu no punidu iha artigu 177 númeru 2, konjuga ho artigu 182 númeru 1 aliñea a no d husi KP, no artigu 2 númeru 1 no 2 aliñea b, no artigu 35 aliñea b husi lei kontra violénsia doméstika.

Tribunál kondena mós arguidu ho pena prizaun tinan 7, tanba komete krime hasoru lezada L5, no krime sira ne’e previstu no punidu iha artigu 172 númeru 2, konjuga ho artigu 182 númeru 1 aliñea a no d husi KP. No artigu 2, númeru 1 alinea b no artigu 35 aliñea b lei kontra violénsia doméstika.

Ba pena parselár prizaun tinan 8 mo 7 ba kada krime husi krime 2 komete kontra lezada L6, ne’ebé previstu no punidu iha artigu 177 númeru 1 no konjuga ho artigu 182 númeru 1, aliñea a no d husi KP, no mós artigu 2 númeru 1 no 2 aliñea b, artigu 35 aliñea b husi lei kontra violénsia doméstika.

“Tanba ne’e tribunál kondena arguidu ho pena únika tinan 12 prizaun,” juíz prezide Yudit Pamungkas, lee sai desizaun ne’e iha TDO Tersa (21/12).

Tribunál mós absolve arguidu husi parte krime pornografia infantil tuir termu artigu 176 KP, nune’e tribunál julga parsialmente prosedente provadu ba pedidu indemnizasaun sivíl.

Tanba ne’e arguidu tenke selu indemnizasaun rihun USD 4 ba kada lezada, lezada ne’ebé provada, parsiál ne’ebé suporta husi arguidu tuir termu artigu 501, númeru 3 artigu 497 hotu-hotu husi kódigu sivíl.

“Acresida de juros de taxa legal deste o tránsito em julgado da presente desisão até que vou entregar pagamento. Condenado tambem o arguido em custos nos termos do artigo 51 número 2 no decreto lei número 16/201” juíz lee akordaun ne’e.

Tribunál mós halo alterasaun ba medida koasaun ne’ebé antes ne’e aplika ba arguidu kona-ba prizaun domisiliária, iha aldeia Sanana, Suku Costa, Sub-Reziaun Pante Macasar, Reziaun Autónomu Espesiál Oecusse Ambeno (RAEOA). Tanba jeográfikamente fatin ba arguidu kumpre medida koasaun ne’e besik ho Indonézia, nune’e fasil ba arguidu halai sai ilegalmente. No konsidera sistema servisu autoridade kontrolu fronteira sira-nia frazil.

Defeza sei halo rekursu ba TR

Advogadu Privadu Miguel Acácio Faria.

Hafoin rona tiha leitura akordaun ne’ebé tribunál lee sai, parte defeza sei koordena ho família no parte uma-mahon rasik hodi halo rekursu ba Tribunál Rekursu (TR) hodi tetu fali desizaun tribunál primeira instánsia ne’e.

“depois de ami simu leitura akordaun husi tribunál, sei koordena ho família, sei koordena ho sira asrama, i ao mesmo tempu para halo rekursu” dehan Advogadu Privadu Miguel Acácio Faria.

Iha leitura akordaun ne’e, líder nasionál Kay Rala Xanana Gusmão mós marka prezensa. Ba kazu ne’e, Xanana Gusmão mós sai sasin iha loron 30, fulan setembru, tinan ne’e.

Xanana sai sasin, liga ho relatóriu investigasaun husi Komisaun Justisa no Paz, lideradu Padre Hermínio Goncalves ne’ebé publika relatóriu ne’e ba públiku hodi asesu.

Momentu ne’ebá, Padre Hermínio hanesan Diretór Komisaun Justisa no Paz, lidera ekipa hodi halo investigasaun ba kazu ne’e, hetan koñesimentu husi Arse Bispu Metropolitana Díli, Dom Virgílio do Carmo da Silva, SDB no nia relatóriu ida entrega ba Xanana Gusmão, ho kapasidade hanesan líder nasionál.

Tanba relatóriu ne’e sai ba públiku, entaun Tribunál mós notifika kedas Padre Hermínio no Kay Rala Xanana Gusmão sai sasin ba kazu ne’e.

Enkuantu prezensa Xanana nian hanesan reafirma bebeik ona katak, labele haree hanesan atu halo intervensaun ba prosesu judisiál, maibé hakarak akompaña hodi hatúr justisa ho loloos.

Arguidu Daschbach rasik demite ona husi Vatikanu nu’udar padre, liga ho kazu pedofilia ne’ebé akontese iha uma-mahon Topu-Honis.

Ba desizaun Vatikanu ne’e, Igreza Katólika Timor-Leste liuhosi Arsebispu Metropolitana Díli, mós hasai ona karta hodi la autoriza Padre no Madre atu labele pronunsia buat ruma, ralasaun ho kazu ne’e, no deside prosesu hotu entrega ba justisa.

Eis-Padre Daschbach moris iha loron 26, fulan janeiru, tinan 1937, iha Pennsylvania, Estadu Unidu Amérika (EUA), hahú tama lori misaun evanjelizasaun Katólika ba rai enclave Oe-Cusse Ambeno iha tinan 1972 to’o tinan 2018.

Durante hala’o misaun evanjelizasaun, nia moos harii uma-mahon ida ho naran Topu-Honis (Guide To Life)  iha tinan 1993 ho objetivu atu fó mahon ba labarik kbi’it la’ek no orfaun sira.

Xanana trsite ho desizaun TDO

Entretantu líder nasionál Kay Rala Xanana Gusmão triste ho desizaun Tribunál Distritál Oe-cusse nian ba arguidu eis-padre Richard Daschbach.

“Ha’u ladun kontente. Tribunál laiha liu kbiit atu halo kontradisoens sira nune’e,"dehan Xanana iha Oecusse.Nes


Banner

Foto

Notisia Ikus

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...

Kazu óbitu Dengue sa’e ba na’in 9, Governu "falla" iha atendimentu

January 19, 2022
[caption id="attachment_59030" align="aligncenter"...

Lere hato’o ona karta reforma ba Governu

January 18, 2022
Xefe Estadu Maior Jenerál, FALINTIL-Forsa Defez...
1 2 3 682

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker