TL-AUSTRALIA SEI HASAI REZOLUSAUN KONA-BA FRONTEIRA MARÍTIMA

Embaixador Autralia iha Timor-Leste, Peter Doyle,  hatete, Timor-Leste (TL) ho Australia sei hasai rezolusaun ida hamutuk kona-ba prosesu konsiliasaun Fronteira Marítima entre nasaun rua durante ne’e.

“Agora dadaun Timor Leste ho Australia partisipa iha prosesu konsiliasaun, tanba ne’e hau ho señor Prezidenti Repúblika ko’alia, kona-ba  prosesu konseliasaun ne’e Timor Leste ho Australia ko’alia hodi halo negosiasaun  ba Fronteira Maritima rai rua ne’e sei iha komitmentu atu foti resolusaun,” haktuir Embaixador Australia Peter Doyle, ba jornalista sira hafoin renkontru ho PR Lú -Olo iha Palacio Prezidensial Bairo Píte, Dili, Sesta(11/08). Komitementu nasaun rua ne’e atu hasai rezolusaun ida hamutuk ne’e sei halo iha fulan Agusto ne’e. “Australia ho Timor-Leste konfia resolusaun ne’e posivel tanba ne’e nasaun rua ne’e iha komitmentu atu foti resolusaun  tanba ne’e garante prosesu ne’e sei lao ho di’ak”dehan Peter. Alem de koalia konaba prosesu negosiasaun no konsiliasaun Fronteira Marítima, embaixador Australia nian ne’e mos rona husi Prezidenite Repúblika konaba formasaun governu foun Timor – Leste nian. “Ami ko’alia mós kona-ba governasaun foun nune’e mos prosesu konsiliasaun kona -ba prosesu tasi mane i koperasaun defesa seguransa no koperasaun dezenvolvimentu entre nasaun rua ne’e,” nia hateten. Timor-Leste ho Australia komesa prosesu konsiliasaun ba Fronteira Marítima iha Tribunal Internasional iha tinan 2016. No Kay Rala Xanana Gusmão sai xefe ekipa negosiasaun Fronteira Marítima Timor – Leste nian. sis