Komunidade Sanane husu indiminizasaun, PM Alkatiri: Hato’o deit keixa ba tribunal

Komunidade uma kain 12 ne’ebe sira nia rai hektare 4 afetadu husi konstrusaun rezidensia Prezidente ZEESM (Zona Ekonomia Especial Sosial Merkadu) husu sira nia direitu indiminizasaun ba sira nia rai. Maibe, Primeiru Ministru (PM) Mari Alkatiri, nudar mos eis Prezidenti ZEESM husu ba sira atu diak liu halo keixa ba Tribunal.

Alkatiri responde ba komunidade Sanane, Bairo Samoro, Suku Kosta, Posto Administrativu Pante Makasar, Oe-cusse, ne’ebe husu inidiminizasaun ba sira nia rai hateten, diak liu komunidade sira hatudu provas katak rai ne’ebe ZEESM utiliza ba halo rezidensia prezidente ZEESM nian ne’e sira nian duni. Basa, tuir Alkatiri hatene katak, rai ne’e Estadu nian ne’ebe antes konstrusaun du’ut mak as no nakunu.

“Ha’u tama iha neba du’ut mak bo’ot, ema Oe-cusse rasik hakfodak bainhira Oe-cusse furak ona no derepenti komunidade dehan nia to’os ona. Rai ne’e laos komunidade nian, maibe rai Estadu nian,”  afirma PM Mari Alkatiri, ba jornalista  iha Hera, Tersa (20/2/2018).

Alkatiri konsidera katka, situasaun ikus-ikus ne’e mosu iha ZEESM tanba politiku nain balun mak dudu komunidade husi kotuk, liu-liu besik ona atu hasoru eleisaun antesipada.

“Eleisaun la iha, problema mos la iha, mas besik eleisaun problema fila fali ne’e politika hau la preokupa se mak iha razaun ba aprsenta kazu iha tribunal,” afrima PM Alkatiri. ety