Postu Saúde Laivai laiha Ambulansia no Parteira

Postu  Saúde   Laivai , Postu  Administrativu  Lautém, Munisipiu  Lautém  Presiza  Ambulansia  no  Parteira, tamba  to’o  ohin loron nee  postu  saúde  refere  laiha parteira no ambulância.

Xefe  suku  Ililai,  Luis  Januario  de  Fatima,  hatete  , durante  ne’e  komunidade  Ililai  hasoru  problema,  liu-liu  Postu Saúde laiha ambulansia  multi  funsaun  , inklui laiha parteira  atu  fó  partus  ba  inan  isin rua.

“Ami  durante  ne’e  laiha  Ambulansia  multi funsaun ,no  laiha  parteira  atu  fó  partus  ba  inan  isin  rua  ,tamba  ne’e  hau  husu  ba  Vise  Ministru  Saúde  sé  bele  karik  hanoin  netik  ami  komunidade  ne’ebé  hela iha  area  remotas”, kestauan nee hatoo husi Xefe  Suku  Ililai Luis  Januario hato’o   iha enkontru  ho  Vise  Ministru  Saúde  Luis  Lobato ne’ebe   hala’o iha  Postu Saúde  Laivai , Postu  Administrativu  Lautém , Munisipiu  Lautém.

Responde  ba  kestaun  ne’e,  Vise  Ministru  Saúde,  Luis  Lobato  hatete, Ministeriu Saúde  sei  kontrata  pesoal  saúde  ho  total  200  resin ne’ebe husi  númeru  ne’e  ministeriu   sei  koloka  perteira ida no  ema  Laut’em  duni  ba Lautém liu-liu  ba  postu  saúde  refere.

“Ami  sei  kontratu  pesoal  saúde  kuaze  200 resin  no  hau  koalia  ona ho  Diretor  Servisu  Saúde  Munisipiu  Lautém  atu  haree  ba  ema  Lautém  oan  sira  iha  bele  koloka  mai  iha  Sentru  Saúde  Laivai  atu  fó  partus  ba  inan  isin  rua  sira,  tamba  iha  aldeia  balun  atu  la’o ba  fali iha  Sentru  Saúde  Lautém  mós  presiza  tempu”, dehan Vise  Ministru Saúde Luis  Lobato.

Governante nee alénde  promote atu koloka parteira ida  sei  entrega  motorizada  ida  ba  Postu  Saúde  Maloru ,  Suku  Lorehe  Primeiru , Postu Administrativu  Lospalos  Vila. Tos