TL apoia millaun USD 1 ba dezastre natural iha Moçambique

Governu Timor-Leste fó apoiu orsamentu Dolar  Amerikanu Millaun Ida (Millaun USD 1), ba Repúblika Moçambique ne’ebé infrenta dezastre natural  iha semana kotuk hodi rezulta ona ema nain 450 mate no 1000 resin kanek.

“Ohin Konsellu Ministru liu husi Governu Timor-Leste aprova ona orsamentu ho total USD 1 Milhões atu fó apoiu ba Repúblika Moçambique ne’ebé infrenta dezastre naturais  no iha akontesementu ne’e rezulta ema mate, no kanek ,tamba ne’e nu’udar nasaun amigu ho amizade ida ne’e bele fasilita nesesidade povu Moçambique nian”, dehan Ministro Presidência do Conselho de Ministros  Agio  Pereira,ba Jornalista sira, Kuarta (27/03)  iha Palasiu Governu.

Ministru Senior iha Pitavu Governu Konstitusional nee subliña apoiu hirak ne’e atu hatan ba nesesidade sira ne’ebé mak kauza husi pasazam Siklon Idai nebe ataka País Membru Comunidade País Lingua Portugues nee.

Dezastre natural ne’e akontese iha Sidade Beira iha loron (14/03) tinan ne’e hodi rezulta ema na’in 450 resin mate, kanek 1700 resin no ema nain 100 dezalozadus.tos