Partisipa inaugurasaun Aeroportu RAEOA, aviaun CITILINK semo husi Jakarta ba Oe-Cusse

Aviaun CITILINK  sei tula pasajeiru  husi Aero Portu Halim Perdana Kusuma Jakarta Indonesia mai to’o aero portu internasional Rota de Sândalo Oe-Cusse, hodi tuir serimónia Inagurasaun Aero Portu Internasional Oe-Cusse.

Aviaun CITILINK iha Tersa, loron Sanulu Resin Ualu,fulan Juñu ne’e tula pasajeirus husi  kompañia WIKA Indonesia ne’ebé durante kaer projetu konstrusaun  aero portu internasional Rota de Sandalu Oe-Cusse.

“Aviaun CITILINK ne’e sei Carter Flait laos regular Flait ,maibe chater flait aviaun CITILINK aban husi Jakarta aero portu Halin Perdana Kusuma mai iha aero portu Oe cusse sei tula pasajeirus husi kompañia Indonesia ne’ebé durante ne’e hala’o konstrusaun Oe cusse sira mai para atu tuir serimónia inagurasaun Aero Portu Internasional Oe cusse, aviaun sei uza air bas A320 nia sei para iha Aero Portu Internasional Oe cusse durante oras 8 no serimónia remata ,hafoin sira fila husi Oe cusse ba fali Jakarta aoero portu” Diretor kompañia CITILINK Fernando da Silva, tatoli lia hirak ne’e ba GMN iha nia kna’ar fatin Timor Plaza Díli.

 Aviaun CITILINK ho marka air bas A 320 ne’e sei para iha  aero portu internasional Rota de Sandalu Oe-Cusse durante oras Ualu.

“Depois la taka dalan ,tamba durante ne’e kooperasaun Timor-Leste ho Indonesia atravez husi CITILINK  vou ona Jakarta Dempasar Dili, loro-loron ne’e hanesan parte kontribuisaun ida para mai koko ita nia aeroportu oe cusse ,Nune’e mós loke oportunidade ba air lines sira seluk no ne’e parte ida historia id aba CITILINK ,tamba nu’udar aviaun bo’ot ne’ebé primeira vez tun iha aero portu internasional Oe cusse foun para nune’e karik iha futuru sei iha servisu hamutuk sei iha charten ruma ou ita hare merkadu ne’e wanhira iha oportunidade ne’ebá ita la taka dalan para ita nia aviaun CITILINK bele hala’i loro-loron iha aero portu Oe cusse ne’ebá” ” Diretor kompañia CITILINK Fernando da Silva,esplika.

Durante ne’e  aviaun CITILINK hala’o operasaun vou ona Jakarta Dempasar Dili, loro-loron liu husi kooperasaun entre Timor-Leste ho nasaun vizinu Indonesia.

Diretor kompañia CITILINK Fernando da Silva, konsidera  Aviaun CITILINK  nia vou Jakarta Indonesia to’o aero portu internasional Rota de Sandalu Oe-Cusse ne’e nu’udar kontribuisaun  ida ne’ebé diak , tamba bele fó oportunidade ba aviaun sira seluk bele vizita aero portu foun ne’e.tos