Komemora 30 agostu, Manufahi sei hala’o atividade expo no desportiva

Administradór  Munisípiu Manufahi,  Arantes Isaac, hateten, iha   komemorasaun  loron konsulta popular  30 de Agostu, Munisípiu refere sei priense ho atividade  expozisaun no desportiva.

Arantes Isaac haktuir,  dadun ne’e Autoridade Lokal sira forma ona ekipa komisaun organizadora ida hodi prepara ba komemorasaun loron konsulta popular ba dala 20, ne’ebé sei selebra iha área Luak Munisípiu Manufahi.

“Ha’u hanoin preparasaun ne’ebé Munisípiu Manufahi halo durante ne’e di’ak tebes, tanba enkontru ona  ho Presidente Komisaun, Xanana Gusmão iha nasional hodi fó ona orientasaun ba Munisípiu ida-idak atu komemora loron kunsulta popular, tanba ne’e parte Munisípiu Manufahi nian dadaun ne’e forma ona komisaun ida atu fó apoiu atividades ne’ebé sei hala’o durante semana ida, hahú  husi loron 17 to’o 30 fulan Agostu”,  hateten Arantes Isaac  ba GMN iha Suku Betano, Kinta (11/07).

Nia haktuir, iha selebrasaun ne’e, sei hala’o mós atividade oi-oin hodi komemora loron konsulta populara 30 de Agostu, no  eventu ne’e komvida mós bainaka husi Nasional sira atu partisipa.

 “Atividade sira mak hanesan, dansa kultura, loke filme, halo kompetisaun kultural nian no misa agradesementu.  Sei hahú iha loron 18 to’o 30, kontinua ho atividade Munisipial hanesan, halo kompetisaun iha área desportiva, no sei kontinua halo festival ba aihan lokal Manufahi nian, no ikus liu divertimentu”,  katak Arantes.aba