GMN TV Regional Ahi-han Kapela iha Ramelau, kauza husi komunidade sunu-rai

Ahi-han Kapela iha Ramelau, kauza husi komunidade sunu-rai

Pesoal seguransa iha Ramelau, Abrão da Conceição Barros, hateten, insendiu iha fatin peregrinasaun kapela Ramelau, deskonfia komunidade sira ne’ebé hela besik mak sunu-rai iha dalan ba Ainaro, Hatu-Builiku nian.

Pessoal seguransa iha Ramelau, Abrão da Conceição Barros, hateten, iha Domingu tuku 5: 00 lorokraik iha vizitante balun, ne’ebé tun husi illas na’i feto Ramelau mai fo hatete katak, ahi-han rai komesa han iha foho besik Kapela dalan ba Ainaro Hatu-biliku.

“Ami telefone ba Amu no Amu haruka kedas, hau ho membru sira sa’e kedas ba iha Kapela  maibé bainhira mai to’o iha Kapela ahi-han hotu ona Kapela,” dehan  Pessoal seguransa iha Ramelau, Abrão da Conceição Barros, ba JN-Diário, Segunda (21/10/2019) iha foho Ramelau Munisípiu Ainaro.

Pessoal seguransa hatete, sira labele halo buat ida tanba volume ahi makas tanba ani bo’ot, maibé sira konsege salva sasan balun hanesan lixu fatin ne’ebé tau iha Ramelau.

“ Hau ho hau nia membru lao sae ba Kapela mos hanesan fo an ba mate, tanba mai lao deit iha ahi kla’ak laran no vizitante sira ne’ebé ba vizita mos halai namkari tun mai Santuariu, tanba tauk volume ahi ne’ebé han makas,” afirma Abrão da Conceição Barros.

 Nia subliña, vizitante sira ne’ebé ba vizita illas Ramelau la sunu ahi, tanba bainhira vizitante sira mai ami sempre fo hatete ba sira atu deskansa deit iha Santuariu, entaun tuku 3:00 ou 4:00 madrugada mak sira foin lao sa’e ba iha Kapela hodi liu ba illas na’i feto.

“ Antes vizitante sira lao sa’e ba, ami sempre fo hanoin ba sira atu labele fuma no karik fuma maibé tenke hamate sigaru nia lakan atu labele hamosu insendiu, tanba insendiu ne’e laos mai husi vizitante sira maibé husi komunidade Hatu-biliku rasik mak sunu,” haktuir Abrão.

 Hafoin insendiu hodi rezulta fatin peregrinasaun kapela Ramelau ahi-han, parte seguransa informa kedas ba parte Dioseze no Polisia Munisipiu Ainaro nian inklui Ministériu Turizmu,  hodi haruka pessoal bombeirus sira atu bele hamate ahi nune’e labele hán to’o illas na’i feto Ramelau.Fel


Banner

Foto

Notisia Ikus

VPPN: Tenke reforma estrutura no lei iha PNTL

June 7, 2021
Vise Prezidente Parlamentu Nasionál (VPPN), Mari...

Xanana: Ha’u mesak labele halo buat ida

June 7, 2021
Eis Prezidente Repúblika, Kay Rala Xanana Gusmã...

Xina apoia vasina Sinovac 100.000 ba Timor-Leste

June 7, 2021
Governu Xina liu husi nia Embaixador iha Timor-Le...

Governu lansa fatuk dahuluk ba konstrusaun Programa Uma Kbi’it Laek iha territóriu nasionál

June 5, 2021
Ministériu Administrasaun Estatal (MAE) hamutuk ...

José Ramos Horta admite recandidatura a Presidência da República

June 5, 2021
O Nobel da Paz José Ramos Horta revelou não ter...
1 2 3 610

About

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam.

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker