JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu inaugura mini irigasaun suku Uato-Haco

Governu inaugura mini irigasaun suku Uato-Haco

Ministériu Administrasaun Estatal (MAE), liu husi sekretáriadu Tekníku Programa Nasional Dezenvolvimentu Suku (PNDS) inaugura mini irigasaun iha suku Uato-Haco, postu administrativu Venilale, munisípiu Baucau.

“Ita hanoin katak parte governu nia planu tau prioridade ba agrikultura, haree ba menu indikativu husi PNDS, nune’e mini irigasaun ida ne’e bele benefísia komunidade sira no konstrusaun mini irigasun ne’e orsamentu mai husi PNDS”, Diretóra Nasionál PNDS, Dulce Júnior Guterres ba GMN iha suku Uato-Haco, hafoin inaugura mini irigasaun, Sesta (24-01-2020).

Nia esplika, objetivu konstrusaun mini irigasaun ho metru 1000 ne’e, oinsa bele fornese bee ba komunidade sira ne’ebé halo natar iha tempu udan no bailoron naruk, tanba durante ne’e sira halerik hela bee.

Maske irigasaun ne’e ki’ik, maibé bele fornese bee ba agrikultór sira-nia natar.

“Antes PNDS atu hala’o mini irigasaun ne’e sira-nia tekníku hala’o estudu viabilidade hodi haree katak, irigasaun ne’ebé sira halo benefísia duni ba komunidade ne’ebé durante ne’e presiza bee”, subliña Dulce.

Husi sorin seluk, Team Leader husi Australia, Fiona Hamilton sente orgullu wainhira sai parseiru ba PNDS, tanba  hala’o projetu sempre iha rezultadu servisu di’ak, komunidade rasik suku Uato-Haco rasik kontribui no implementa rasik programa ne’e.

“Ita haree projetu PNDS importante ba komunidade no durante ne’e governu Australia fó apoiu tékniku ba programa PNDS, tékniku fó treinamentu hodi suporta governu nia implementasaun. Ami gosta parseria mak programa ne’e Timor ni’an la’ós doadór ni’an, programa PNDS diferensia ho projetu sira seluk, tanba komunidade sira mak deside rasik prioridade tuir menu indikativu no komunidade mak implementa rasik programa governu ni’an ne’e no ida ne’e diferensia tebes ho projetu seluk“, tenik Fiona.

Lee hotu :   Aeroportu Rota do Sândalo inauguradu, Alkatiri: Aumenta konektividade ba mundu tomak

Xefe suku Uato-Haco, Crizoson Correia, sente kontente, tanba problema ne’ebé durante ne’e komunidade sira enfrente bele hatán ona.

“Ha’u nu’udár reprezentante povu sente orgullu hodi haree kondisaun husi suku rasik no ohin loron bele inaugura mini irigasaun ida ne’e, tanba durante ne’e komunidade sira preokupa tebes, tanba laiha irigasaun bainhira komunidade sira atu hala’i natar”, tenik Xefe suku Uato-Haco ne’e.

Projetu mini irigasaun ne’e ho ninia naruk metru 1000, ne’ebé konstroe husi komunidade rasik no finansia husi PNDS ho montante orsamentu mais ou menus rihun USD41.

Enkuantu projetu ne’e hala’o durante fulan tolu (3), hahú husi loron 3, fulan Agostu no remata iha loron 28, fulan Outubru, tinan 2019.

Hafoin mini irigasaun ne’e, inaugura iha loron 24, fulan Janeiru, tinan ne’e, ekipa sira husi nasionál ho munisipál kontinua kuda du’ut manu-lai ho nia objetivu atu kaer metin rai. ety

 

Add to Comments Here!!!!

error: Content is protected.
Secured By miniOrange
You might also like:
Deskonfia envolve kazu omisídiu, PCIC detein ona suspeitu na’in nen iha Laga

Polícia Científica Investigação Criminal (PCIC)  ezekuta...

Franscisco: TLPU tenke investe maka’as iha kapasitasaun

Organizasaun jornalista Timor Leste Press Union...

Implikasaun husi impase polítiku, CCITL: Investidór barak tauk investe iha TL

Prezidente Kámara Komérsiu Industria Timor-Leste (CCI-TL-sigla...

Close