JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Komisaun E PN fiskaliza irigasaun Dará Dau-Viqueqeu

Komisaun E PN fiskaliza irigasaun Dará Dau-Viqueqeu

Atu haree problema ne’ebé komunidade sira enfrenta relasiona ho impelementasaun projetu irigasaun Dara Dau, suku Besoru, postu administrativu Uatulari, munisípiu Viqueque, iha Kinta (12/3) ne’e komisaun E Parlamentu Nasionál (PN) halo fiskalizasaun hodi haree impaktu husi projetu refere.

Membru komisaun  E PN, Fabião de Oliveira hateten, durante impelementasaun projetu irigasaun ne’e mosu duni problema kona-bá indeminizasaun, maibé Autoridade Lokál (AL) sira buka meius atu rezolve.

“Maske iha duni problema kona-bá indeminizasaun ba komunidade sira, maibé AL sira hahú rezolve ona, tanba irigasaun Dará Dau benefisia povu no agrikultór sira iha suku refere. Ami nia fiskalizasaun bazeia despaixu husi Prezidente PN kona-bá karta ne’ebé hato’o husi komunidade sira ba projetu ne’e iha duni problema, maibé indeminzasaun ba komunidade sira agora rezolve ona”, membru komisaun E PN ne’e ba jornalista sira iha postu administrativu Uatulari, munisípiu Viqueque, Kinta (12-03-2020).

Fabião subliña, problema ne’ebé mosu mak hanesan komunidade balun lakohi entrega rai ba kompañia, maibé komunidade hotu-hotu sai benefisiáriu ba irigasaun refere.

“Ami haree ba Bill of Quantity (BoQ) ne’ebé iha konstrusaun irigasaun ne’e kánal irigasaun bele to’o rai metru 4, irigasaun refere fó benefísiu ba komunidade sira fornese bee ba natar hektare 1000, signifika benefísiu duni ba povu. Komisaun E PN hala’o fiskalizasaun ba irigasaun, tanba iha relasaun ba konstrusaun, tanba ami hala’o fiskalizasaun komisaun konjuntu haree ba ekonómia no komisaun E haree liu ba ninia konstrusaun, hodi haree kualidade konstruasuan”, tenik membru komisaun E PN ne’e.

Husi sorin seluk, ENGINEERING Supervision Consultant, Riyanto Rigit,  hateten, konstrusaun ne’e foin la’o durante fulan hitu (7), tanba antes atu hahú konstrusaun sei halao serimónia kultura tuir lisan munisípiu viqueque no iha impedimentu uitoan husi komunidade kona-bá  indeminizasaun.

Lee hotu :   Ratifikasaun ba FM, PN seidauk simu dokomentu husi Governu

“Serimónia kultura ami hala’o iha loron 6, fulan Jullu, tinan 2019, tanba ne’e bainhira hala’o konstrusaun hahú preparasaun iha fulan Jullu, tinan 2019, oras ne’e dau-daun projetu ne’e hala’o ona fulan 7, durante ami hala’o projetu ne’e hasoru dezafiu, to’o ohin loron projetu refere hahú hala’o servisu porsentu 7.20, tanba foin hala’o servisu iha fulan Jullu, tinan 2019, tuir kontratu hahú iha loron 15, fulan Marsu, tinan 2019 no sei remata iha loron 15, fulan Marsu, tinan 2021.

Administradór postu Uatulari, Tomas Soares da Silva, rekoñese, iha inísiu projetu ne’e hahú mosu duni problema, maibé AL hamutuk ho komunidade sira rezolve ona.

“Ami iha ne’e laiha problema ne’ebé komunidade sira aprezenta mai ha’u no mós seidauk iha, maske iha problema uitoan, liu husi komunidade sira nia natar, maibé ida ne’e hanesan buat ki’ik ida iha ami nia parte ami prontu atu hadi’a. Antes kompañia hala’o servisu fó koñesimentu ba AL sira”, tenik Tomas.

Fiskalizasaun ne’e komisaun E hamutuk ho komisaun D mak halo, bazeia despaixu husi Prezidente PN, Arão Noe, tanba simu karta husi komunidade sira.

Irigasaun Dará Dau ne’e, konstroe husi kompañia internasional Pembinaan Pulau Seban husi Malázia, hetan supervizaun husi konsultan PT SKM,  Joint venture ho kompania KWK no konstrusaun refere  gasta orsamentu  tokon 3.9 resin.

Hafoin hala’o fiskalizaun ba irigasaun Dara Dau Uatulari kontinua fiskaliza ponte Beloi, iha suku Caraubalu, postu Viqueque Vila no ponte ne’e kompañia finaliza ona iha fulan Dezembru tinan kotuk, maibé seidauk inagura, tanba laiha orsamentu adisionál. ety

Add to Comments Here!!!!

error: Content is protected.
Secured By miniOrange
You might also like:
Espoza PR sertifika pesoal 12, konsidera erói sira iha mudansa ba violasaun feto iha TL

Espoza Prezidente Republika (PR), Cidalia Mouzinho...

Evita kazu infantisídiu, Fundasaun Alola realiza semináriu nasionál

Atu prevene kazu infantisídiu iha Timor-Leste...

Governu prepara fatin, komunidade prontu sai husi mota-ninin

Komunidade sira ne’ebé hela iha Aldeia...

Close