JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Fó impaktu ba ambiente, SEA sei hapara atividade kompañia WENG Enterprise Group

Fó impaktu ba ambiente, SEA sei hapara atividade kompañia WENG Enterprise Group

Sekretária Estadu Ambiente (SEA) sei hapara atividade kompañia WENG Enterprise Group Limitada, ne’ebé halo estrasaun fatuk no rai-henek iha Beduku, tanba atividade nee fó impaktu grave ba meiu ambiente.

“Sé kompañia sira la halo tuir prosedimentu ambiente lei fó dalan atu taka. Ha’u hanoin to’o tempu ita atu hatete katak, Comoro mota ulun hapara atu halo exploitasaun rekursu minerais, exeptu sira ne’ebé hodi kanuru ho enxada tuir hau nia hatene kompañia ne’e keta iha lisensa husi Autoridade Nasional Petroleu Minerais (ANPM), maibé efeitu grave ba ambiente”, ameasa Sekretáriu Estadu Ambiente (SEA), Demétrio do Amaral de Carvalho, ne’e ba jornalista JNDiário foin la-lais ne’e hafoin  hala’o inspesaun ba kompañia WENG Enterprise Group, Limitada iha bairu Beduku, aldeia Turlio, suku Tibar, postu administrativu Bazartete, munisipiu Liquica.

Razaun prinsipal SEA hapara atividade kompañia WENG Enterprise Group Limitada nian ne’e, tanba estraga efeitu grave ba ambiente, liu-liu ba fatuk no rai ho kualidade ne’ebé ba proteje floresta barak.

Governante ne’e husu ba ANPM atu labele renova tán lisensa ambientál kompañia ninia, tanba servisu hotu ne’ebé kompañia WENG Enterprise hala’o sei hamate riku-soin biodiversidade barak iha tasi-laran.

“Ita haree di-di’ak fatin ne’e ohin sira nia lavazen ne’e ita nota katak, sedimentasaun maka’as loos ne’e deskobre katak, explorasaun ne’ebé sira hetan ne’e ita bele dehan la’os kontein fatuk ne’ebé presiza loloos ne’ebé halo explorasaun, tanba ita haree sedimentasaun mak barak topsoil mak barak, rai ho kualidade ba proteje floresta mak barak, ita bele haree ai-hun barak mak sira hasa’i tiha ona, ne’e estraga ambiental ida ne’ebé mak boot, sedimentasaun ho bee fase rai-henek ne’e tempu udan lulun ba hotu tasi, nune’e sei hamate riku-soin barak iha biodiversidade iha tasi-laran”, esplika Demétrio.

Lee hotu :   Transporte la sufisiente, difikulta SAS Bobonaro

Relasiona ho problema ne’e, JNDiário tenta atu halo konfirmasaun ho na’in ba kompañia, maibé na’in rasik tauk subar-an iha edifisíu kompañia refere no pasa informasaun ba JNDiário katak, kompañia na’in sai hela. Tanba ne’e, JNDiário kontinua tenta konfirma asuntu ne’e ba na’in ba kompañia via telefone dala 5, maibé Diretór kompañia rasik la atende. Tos

Add to Comments Here!!!!

error: Content is protected.
Secured By miniOrange
You might also like:
La hetan atendimentu ho di’ak, Mosu dezintendimentu iha kuarentena

Sidadaun sira ne’ebé kumpre kuarentena iha...

UPF kaptura ema 11 tama sai ilegalmente iha fronteira

Komandante Unidade Patrullamentu Fronteira (UPF), Superintendente...

Ema deskoñesidu soe bebe iha Mota Maloa

Komunidade aldeia Terus Na’in, partense ba...

Close